Janubiy okean

Жанубий океан

Жанубий океан — Дунё океани (Атлантика, Ҳинд, Тинч океанлари)нинг Антарктидани ўраб турган қисмининг шартли номи. Дастлаб голланд географи Б. Варениус 1650-йилда мустақил океан сифатида ажратган. Океаннинг чегараси Жанубий Америка, Африка, Австралия материкларининг ва Тасмания ҳамда Янги Зеландия о.ларининг жан. чеккалари орқали ўтказилган шартли чизиқ ва жан. қутбий дойра, 35—60° ж. к.лар орқали ўтказилган. Антарктика атласида Жанубий океаннинг шартли чегараси қилиб Антарктика конвергенсия зонаси (55° ж. к. яқинида) ҳисобланади. Жанубий океанни алоҳида океан қилиб ажратишда иқлимнинг совуқлиги, гидрологик шароитлар асос қилиб олинган. Аммо кейинги тадқиқотлар натижасида Жанубий океаннинг Атлантика, Тинч ва Ҳинд океанларга ёндош секторларида унинг иқлимий ва гидрологик шароитлари ўша океанларникига ўхшашлиги маълум бўлди. Денгизчилик амалиётида Жанубий океан термини қўлланилмайди, чунки денгизчиликка оид ўқув қўлланмаларида бу тушунча учрамайди.