Jarqishloq

Jarqishloq — Jizzax viloyati Baxmal tumanidagi qishloq aholi punkti. U Gulbuloq mahalla fuqarolar yigʻini hududida joylashgan.

Jarqishloq
Qishloq
Mamlakat	Oʻzbekiston
Viloyat	Jizzax viloyati
Tuman	Baxmal tumani

Etimologiyasi

Qishloq nomi hududning tabiiy-geografik xususiyatlari bilan bogʻliq. Tabiiy hodisalar (sel ko‘chishi, o‘pirilish, suv yuvishi va boshqalar) natijasida ust qismi balandroq, yonbagʻirlari tik o‘yiqli va tag qismi past boʻlgan relyef shakli jar deb ataladi.

Jarlar asosan yumshoq jinslardan (lyoss va lyossimon qumoq) tuzilgan baland tekisliklarda hamda togʻ etagi qiyaliklarida koʻp uchraydi. Toponimiyada jar termini chuqurlik yoki pastlik maʼnosini ham bildiradi.

Qishloq atrofida jar shaklidagi relyef mavjud boʻlgani sababli aholi punkti Jarqishloq deb atalgan. Jar termini toponimlar tarkibida Oʻrta Osiyo va Qozogʻiston hududlarida keng tarqalgan.