Jerzy Kawalerowicz
Jerzy Franciszek Kawalerowicz (1922-yil 19-yanvar — 2007-yil 27-dekabr) — taniqli polyak kinorejissyor, ssenariynavis va siyosatchi. U 1954-yildan to 1990-yilda partiya tarqatib yuborilgunga qadar Polsha birlashgan ishchilar partiyasi a'zosi bo'lgan hamda 1985–1989-yillarda Polsha parlamentiga deputat etib saylangan[1].
| Jerzy Kawalerowicz | |
|---|---|
 Jerzy Kawalerowicz (2006-yil) | |
| Tavalludi |
19-yanvar 1922-yil Gwoździec, Ikkinchi Polsha Respublikasi (hozirgi Ukraina) |
| Vafoti |
27-dekabr 2007-yil (85 yoshda) Varshava, Polsha |
| Kasbi | Kinorejissyor, Ssenariynavis |
| Faoliyat yillari | 1952–2001 |
Hayoti va ijodi
Kavalerovich Polshaning Gwoździec shahrida (hozirgi Ukraina hududi) ukrainlar va yahudiylar aralash yashaydigan hududda dunyoga kelgan. Uning otasi sulolasi armanistonliklardan bo'lib, dastlab familiyasi Kavalarian bo'lgan[2]. Jerzy Franciszek Kawalerowicz o'zining chuqur g'oyaviy va detallarga boy vizual tasvirlari bilan nom qozongan. Rejissyor yordamchisi sifatida faoliyat yuritgach, 1951-yilda o'zining debyut filmi — Gromada ni suratga oldi. U Polsha kino maktabi]]ning yetakchi namoyandalaridan biri bo'lib, uning Cień, 1956 va Pociąg, 1959 filmlari mazkur harakatning eng sara namunalaridan hisoblanadi.
Kavalerovichning boshqa mashhur ishlari qatoriga Kann kinofestivalining hakamlar hay'ati mukofotiga sazovor bo'lgan Matka Joanna od Aniołów (film), hamda Bolesław Prusning tarixiy romani asosida suratga olingan va "Oscar" mukofotiga nomzod bo'lgan Faraon, filmlari kiradi[3][4].
1955-yilda Kavalerovich nufuzli KADR kinostudiyasiga rahbar etib tayinlandi va 1972-yilda yana bu lavozimga qaytdi. U kommunistik ma'muriyatning targ'ibot filmlarini yaratish borasidagi bosimlariga doimo qarshilik ko'rsatgan. Uning studiyasi Andrzej Wajda, Tadeusz Konwicki va Juliusz Machulski kabi ijodkorlarning eng yaxshi filmlarini yaratishiga zamin hozirladi.
U 1969, 1975 va 1979-yillardagi Moskva xalqaro kinofestivallari, shuningdek, 1976-yilgi Berlin xalqaro kinofestivalida hakamlar hay'atiga raislik qilgan. 1978-yilda uning Śmierć prezydenta filmi Berlin kinofestivalida "Kumush ayiq" mukofotiga sazovor bo'ldi.
Vafoti
U 2007-yil 27-dekabrda Varshavada vafot etdi. Uning oxirgi ishi — Quo Vadis (2001) filmi o'sha davrda Polsha kinematografiyasidagi eng yirik budjetli film bo'lgan[4].
Filmografiyasi
- Gromada, 1952
- Celuloza (1953)
- Pod gwiazdą frygijską, 1954
- Cień (1956)
- Prawdziwy koniec wielkiej wojny, (1957)
- Pociąg (1959)
- Matka Joanna od Aniołów (film), (1961)
- Faraon (1966)
- Gra (1968)
- Maddalena (1971)
- Śmierć prezydenta (1977)
- Spotkanie na Atlantyku, 1980
- Austeria (1983)
- Jeniec Europy, 1989
- Bronsteins Kinder, 1991
- Za co?, 1995
- Quo Vadis] (2001)
Manbalar
 |
Vikiomborda „Jerzy Kawalerowicz“ mavzusi boʻyicha mediafayllar bor. |
- ↑ „Jerzy Kawalerowicz“ (pl). filmpolski.pl. Qaraldi: 2017-yil 21-aprel.
- ↑ Privett, Ray (3 December 2001). "For God and Country (Or Maybe Not): Polish director Jerzy Kawalerowicz interviewed". Central European Review (CERce-review.org) 3 (1). http://www.ce-review.org/01/31/kinoeye31_privett.html. Qaraldi: 21 April 2017.Jerzy Kawalerowicz]]
- ↑ „The 39th Academy Awards (1967) Nominees and Winners“. oscars.org. Qaraldi: 2017-yil 21-aprel.
- ↑ 4,0 4,1 „Who's better, Who's back: Quo Vadis back on screen“. BBC Online. BBC (2000-yil 11-aprel). 2014-yil 2-fevralda asl nusxadan arxivlangan. Qaraldi: 2009-yil 17-fevral.