Joʻra Musayev

Зиёсферада исми Жўра ва фамилияси Мусаев бўлган бошқа кишилар ҳақида ҳам мақолалар мавжуд.

Мусаев Жўра Азимбоевич (1928.5.12, Янгийўл шаҳри) — генетик олим, Ўзбекистон Фанлар академияси академик (1984), Ўзбекистонда хизмат кўрсатган фан арбоби (1980), биология фанлари доктори (1973), профессор (1975). Ўрта Осиё университетни тугатган (1948). Тошкент Давлат Университети дарвинизм ва генетика кафедраси ассистенти (1952-56), доценти (1956-1974), тайёрлов факултети умумий назарий фанлар кафедраси мудири (196166), ғўза хусусий генетикаси —проблема лаборатория мудири (1974-йилдан), дарвинизм ва генетика кафедраси мудири (1981—84), Ўзбекистон Фанлар академияси Ўсимликлар экспериментал биологияси институти директори (1982—84), Фанлар академияси Президиуми аъзоси (1984—88), Президиумнинг бош илмий котиби (1985—88), Ўзбекистон Фанлар академияси Ўсимликлар экспере-ментал биологияси институти ғўза хусусий генетикаси лаборатория мудири (1989—92), Фанлар академияси Генетика институти ташкилотчиларидан. Шу институт ўсимликлар генетикаси бўлими бошлиғи (1992—2000), илмий маслаҳатчиси (2000-йилдан). Ўзбекистон миллий университети биология - тупроқшунослик факултети генетика ва сито-эмбриология кафедраси мудири (2000-йилдан). М. ғўзанинг ирсий тоза генетик коллексиясини яратган. Биринчи бўлиб аллотетраплоид ғўзалар белги ва хусусиятларини, генларнинг комбинатив таъсирида ирсийланиши тўғрисидаги генетик назарияга асос солган. М. ва шогирдлари ғўзанинг моносомик, транслокацион ва ситологик маркерланган линиялари коллексиясини яратишган. М. ғўзанинг "Гулбаҳор", "Навбаҳор", "Армуғон" навлари муаллифларидан бири. "Ўзбекистон миллий энсиклопедияси" Бош таҳрир ҳайъати аъзоси (1997-йилдан). "Элюрт ҳурмати" ордени билан мукофотланган (1998).

Шахсий маълумотлари
Таваллуди	5-декабр 1928-йил
Вафоти	27-октябр 2014-йил(2014-10-27) (85 ёшда)
Мукофотлари