Ziyosfera

John Abele

John E. Abele (1937-yilda tugʻilgan) — amerikalik tadbirkor va Boston Scientific tibbiy asbob-uskunalar kompaniyasining asoschilardan biri. John 2010-yilda ASME medaliga sazovor boʻlgan. 2024-yil noyabr holatiga koʻra uning boyligi 1,9 milliard AQSh dollariga baholangan[1]. Abele ilk bor 1996-yilda oʻz mehnati bilan milliarder boʻlgan shaxs sifatida Forbes 400 roʻyxatiga kiritilgan[1][2]. U oʻz boyligining salmoqli qismini xayriya ishlari uchun sarflagan boʻlsa-da, Vermont shtatidagi yagona milliarder boʻlib qolmoqda va Shelburne shahrida istiqomat qiladi. Oʻzining xususiy oilaviy jamgʻarmasi — Argosy Foundation orqali Abele 2001-yildan buyon xayriya maqsadlari uchun 130 million AQSh dollaridan ortiq mablagʻ ajratgan[3].

John Abele

Abele 2017-yilda
Tavalludi 1937 (yoshi 88–89)
New London, Connecticut, AQSh
Taʼlimi Amherst College (inglizcha: Bachelor of Science, BS)
Mashhur ishlari Boston Scientific kompaniyasining hammuassisi
Turmush oʻrtogʻi Mary Abele
Bolalari 3, jumladan Chris

Ilk hayoti va taʼlimi

John Abele uch oʻgʻilning kenjasi boʻlib, Catherine hamda Mannert L. Abele, AQSh Harbiy-dengiz kuchlari ofitseri oilasida ulgʻaygan[4]. U oʻz oilasini „klassik Yankee oilasi“ deb taʼriflagan[4]. Uning otasi USS Grunion suvosti kemasining qoʻmondoni boʻlgan. Mazkur kema 1942-yil 31-iyulda Aleut orollari yaqinida, dushman hujumi oqibatida halokatga uchragan.

Keyinchalik John va uning akalari USS Grunionni topish, suratga olish, halokat sabablarini hujjatlashtirish hamda ekipajning barcha aʼzolari qarindoshlarini aniqlash boʻyicha tadqiqot ishlarini tashkil etgan, boshqargan va moliyalashtirgan. Natijada suvosti kemasi Bering dengizi tubidan topilgan[5][6][7]. Yetti yoshida Abele suyakning bakterial infeksiyasi boʻlgan Ostit kasalligiga chalingan. Shu sababli u bir necha marta jarrohlik amaliyotini boshdan kechirgan va uzoq yillar qoʻltiqtayoq yordamida yurgan[4]. Abele Amherst Collegeni fizika va falsafa yoʻnalishlarini tamomlagan[4]. Keyinchalik ushbu oliy taʼlim muassasasi vasiylik kengashi aʼzosi ham boʻlgan[8].

Faoliyati

Abele faoliyatini AQShning Oʻrta Gʻarb hududidagi yoritish uskunalari ishlab chiqaruvchi kompaniyada boshlagan. Keyinchalik u Yangi Angliyaga koʻchib oʻtib, Boston yaqinidagi kichik tibbiyot kompaniyasida ishlagan[4]. Soʻng Peter Nicholas bilan birgalikda Boston Scientific kompaniyasiga asos solgan[9].

2002–2010-yillarda u FIRST robototexnika tashkilotining direktorlar kengashi raisi lavozimida faoliyat yuritgan[10][11].

Shuningdek, Abele USA Science and Engineering Festival maslahat kengashi aʼzosi hisoblanadi[12].

Shaxsiy hayoti

John Abele Mary Abele bilan turmush qurgan[13]. Ular Shelburne, Vermont shahrida yashaydi hamda uch nafar farzandning ota-onasi boʻlib, ulardan biri Chris Abeledir[1][13]. Chris Abele 2010-yilda Milwaukee okrugi ijroiya rahbari lavozimiga saylangan[14].

Manbalar

  1. ↑ 1,0 1,1 1,2 „Forbes profile: John Abele“. Forbes. Qaraldi: 2024-yil 14-noyabr.
  2. ↑ „John Abele: Always an Educator“ (en). mddionline.com (2015-yil 5-may). Qaraldi: 2023-yil 26-avgust.
  3. ↑ A. O. L. Staff. „Forbes released its billionaire list. Here's the one Vermont billionaire.“ (en-US). www.aol.com (2024-yil 16-aprel). Qaraldi: 2024-yil 14-noyabr.
  4. ↑ 4,0 4,1 4,2 4,3 4,4 Amherst College: „Flowers on the Water“ by Rand Richards Cooper Spring 2009
  5. ↑ Stevens, Peter. Fatal Dive: Solving the World War II Mystery of the USS Grunion. Regnery History, 2012. ISBN 978-1596987678. 
  6. ↑ Homans, Charles „Long-Lost World War II Sub May Be Found“. National Public Radio (2006-yil 26-avgust). Qaraldi: 2007-yil 5-iyul.
  7. ↑ Business Innovation Factory; "Serendipity, Social Networking and Finding a Needle in a Haystack"[Usurped!] retrieved March 8, 2013
  8. ↑ „John E. Abele Profile - Forbes.com“. Forbes.com. Qaraldi: 2010-yil 9-iyun.
  9. ↑ Ebeling, Ashlea. „Boston Scientific Cofounder John Abele Has Big Ambitions In Retirement“ (en). Forbes. Qaraldi: 2018-yil 6-aprel.
  10. ↑ „USFIRST.org“. USFIRST.org. 2010-yil 12-iyunda asl nusxadan arxivlangan. Qaraldi: 2010-yil 9-iyun.
  11. ↑ „John E. Abele“. FIRST. 2010-yil 26-dekabrda asl nusxadan arxivlangan. Qaraldi: 2011-yil 17-avgust.
  12. ↑ USA Science and Engineering Festival — Advisors (Wayback Machine saytida 2010-04-21 sanasida arxivlangan) retrieved 2010-07-05
  13. ↑ 13,0 13,1 Greater Milwaukee Business Journal: „Foundation moving to Milwaukee — Chris Abele to head family’s philanthropy“ by Pete Millard November 17, 2002
  14. ↑ Milwaukee Journal Sentinel: „Sources say Abele planning to run for Milwaukee County executive“ By Daniel Bice December 17, 2010 
"https://new.ziyosfera.uz/ziyo/John_Abele" dan olindi