Kenzaburō Ōe sahifasining manbasini koʻrish

{{Yozuvchi}}
'''Oe Kenzaburo''' (1935.31.1, Exime prefekturasi, Yaponiya — 13-mart 2023-yil<ref>{{Telegram2|rian_ru/196713|РИА новости|logo=1|lang=ru}}</ref>) — yapon yozuvchisi. Tokio universitetining fransuz adabiyoti boʻlimini tugatgan (1959). Rable ijodini puxta oʻrgangan. 50-yillardan adabiyotga kirib kelgan. "Mol boqish" hikoyasi (1958) Oe Kenzaburoga shuhrat keltirgan va Akutagava nomidagi mukofotga sazovor boʻlgan (1959). Oe Kenzaburoning "Kechikkan yoshlar" (1962) romanida yosh avlod taqdiri, yoshligi tufayli urushga kechikkan va urushdan keyin maʼnaviy-axloqiy azobga duchor boʻlgan yosh fuqaroning fojiasi aks etgan. "Hayqiriq" (1963), "[[Shahvatparast odam]]" (1963) asarlarida biron-bir axloqiy majburiyat bilan bogʻlanmagan kishi tas-virlangan. "Shaxsiy tajriba" (1964) romanida hozirgi yoshlarning jamiyat oldidagi burchi, ularning axloqiy izlanishlari muammosi koʻrsatilgan. Xirosima fojiasi, insoniyat taqdiridan xavotirlanish gʻoyalari "[[Xirosima xotiralari]]"da (1966), "1860-yil futboli" (1967), "Suvlar meni ruhimgacha bagʻriga oldi" (1—2-qism, 1973), "Xaloskorning esdaliklari" (1976) romanlarida aks ettirilgan. "Tengqurlar oʻyini" (1979) ijtimoiy romani Yaponiyaning oʻtmishi va kelajagi haqida. [[Nobel mukofoti]] laureati (1994)<ref>[[OʻzME]]. Birinchi jild. Toshkent, 2000-yil</ref>.

== Manbalar ==
{{manbalar}}

{{OʻzME}}

{{Adabiyot boʻyicha Nobel mukofoti sohiblari}}

{{DEFAULTSORT:Oe, Kenzabure}}
[[Turkum:Alifbo boʻyicha yozuvchilar]]
[[Turkum:Adiblar]]
[[Turkum:2023-yilda vafot etganlar]]
[[Turkum:1935-yilda tugʻilganlar]]
[[Turkum:31-yanvarda tugʻilganlar]]


{{bio-stub}}