Kimyoviy formulalar

Кимёвий формула — моддаларнинг сифат ва миқдор жиҳатидан таркиби ва тузилишини кимёвий белгилар, шунингдек, сонлар, ҳарфлар ва бошқа билан берилган ифодаси. Кимёвий формулалар модда қандай элементлардан ташкил топганлиги, бу элементлар ўзаро қандай нисбатда бирикканлигини ҳамда модданинг тузилишини кўрсатади. Масалан, сувнинг формуласи Ҳ₂О унинг таркиби водород (Ҳ) ва кислород (О) дан иборат эканлигини, бу элементлар 2:1 нисбатда бирикканлигини; натрий сулфат На2СО4 эса унинг молекуласи натрий (На), олтингугурт (С) ва кислород (О)дан ташкил топганлигини, бу элементлар 2:1:4 нисбатда бирикканлигини; алуминий сулфид А12С3 эса 2 атом алуминий (А1) га 3 атом олтингугурт (С) тўғри келишини кўрсатади (яна қаранг Кимёвий белгилар).

Кимёвий формулалар уч хил бўлади: эмпирик, рационал ва структура формулалар. Эмпирик формулалар модда молекуласидаги атомларнинг умумий сонини кўрсатади. Мас, сулфат кислота Ҳ₂СО₄, этан С₂Н₆, этил спирти С₂Н₆О ва ҳоказо Рационал формулаларда маълум синфга кирувчи атомлар гуруҳи ажратиб кўрсатилади. Масалан, этан СН3СН3 ёки СН3— СН3, этил спирти С2Н5ОН ёки С₂Н₅— ОН ва ҳоказо Структура формулалар эса модданинг таркибини, молекуладаги атомларнинг жойлашиш тартибини ҳамда ушбу атомлар орасидаги кимёвий боғларнинг қандай тақсимланганлигини кўрсатади.