Kirsty Pealling
| Shaxsiy maʼlumot | |||
|---|---|---|---|
| Toʻliq ismi | Kirsty Pealling | ||
| Tavallud sanasi | 1975-yil 14-aprel | ||
| Tavallud joyi | Hackney, Angliya | ||
| Boʻyi | 1.65 m (5 ft 5 in) | ||
| Ampluasi | Himoyachi | ||
| Professional faoliyati* | |||
| Yillar | Jamoa | Isht. | (Gol.) |
| 1987—2006 | Arsenal Ladies | ||
| Milliy terma jamoa‡ | |||
| 1993-2004 | Angliya | 15 | (0) |
|
*Professional klublardagi gollari (ichki chempionat) ‡ Milliy terma jamoadagi gollari (2010-yil 12-oktyabr uchun) | |||
Kirsty Pealling (talaffuzi: Kristi Pilling; 1975-yil 14-aprelda tugʻilgan) — sobiq futbolchi, butun klub faoliyatini „Arsenal Ladies“ da oʻtkazgan. Shuningdek, Angliya futbol terma jamoasini himoya qilgan.
Klublardagi faoliyati
Kirsty Pealling Haggerston maktabida oʻqigan va 13 yoshligida Arsenal Ladies klubi menejeri Vik Akers beshta oʻyinda sinov tariqasida maydonga tushirgan[1]. 2006-yilda nafaqaga chiqqanida[2] Pealling klubning eng koʻp oʻyin oʻtkazgan oʻyinchisi, rekordchi va eng koʻp sovrinlarni qoʻlga kiritgan[3]. U 1993-[1] va 2001-yillarda[4] „Arsenal“ bilan ichki trebllarni yutgan.
Pealling Camden Kengashida sportni rivojlantirish boʻyicha mutaxassis boʻlib ishlagan va 2004-yildan beri „Hampstead“ futbol klubida murabbiylik qilgan[5].
Jayne Ludlow 2013-yil iyul oyida faoliyatini yakunlaganida, afsonaviy uelslik yarim himoyachi „Arsenal“ saytiga bergan intervyusida „koʻrsatilmagan qahramon“ — Peallingga tashakkur izhor etib: „Men Kirstyga rahmat aytishim kerak, sababi bir mavsumda 30 ta gol urdim va oʻshalarning asosiy qismi Kirsty tufayli edi. U oʻng qanotdan yaxshi toʻp uzatadi“ deb aytdi[6].
Terma jamoalardagi faoliyati
Oʻn sakkiz yoshli Pealling jamoasi 1993-yilning noyabrida Belgiyada Yevro-1995 saralashida 3:0 hisobida gʻalaba qozonganida Angliya terma jamoasi safida debyut qildi[7]. Shuningdek, jamoasi bilan yarim finalda Germaniyaga magʻlub boʻlgan. Biroq, Pealling va Joan Broadhurst 1995-yilgi FIFA ayollar oʻrtasidagi Jahon chempionati tarkibidan bahsli tarzda olib tashlandi, menejer Ted Copeland „Ular bu darajadagi terma jamoa futbolchilari emas“ dedi[8].
Terma jamoa futbolidagi uzoq vaqtli tanaffusdan soʻng, Pealling 2001-yilning avgustida Daniyaga qarshi oʻyinda zaxiradan maydonga qaytdi[9]. 2004-yil may oyida u London Roudda, Peterboroda Islandiyaga qarshi oʻrtoqlik oʻyinining birinchi yarmida oʻynadi (1:0)[10].
Manbalar
- ↑ 1,0 1,1 Nick Oliver. „Hackney Marshes to Highbury“. N16online (2003-yil 1-dekabr). 2010-yil 11-aprelda asl nusxadan arxivlangan. Qaraldi: 2010-yil 26-may.
- ↑ „Review of the 2005/06 Season“. Arsenal Holdings Plc.. 2011-yil 24-oktyabrda asl nusxadan arxivlangan. Qaraldi: 2010-yil 12-oktyabr.
- ↑ Sarah Garrett. „Sporting Heroes“. G3 Magazine (2008-yil 1-avgust). Qaraldi: 2010-yil 12-oktyabr.
- ↑ „England women Fixtures and Results, 2004/05“. Cresswell Wanderers FC. 2012-yil 24-oktyabrda asl nusxadan arxivlangan. Qaraldi: 2010-yil 11-oktyabr.
- ↑ „Kirsty Pealling“. Hampstead FC. 2011-yil 3-sentyabrda asl nusxadan arxivlangan. Qaraldi: 2022-yil 13-avgust.
- ↑ Brumsack, Nik. „'I've enjoyed every single minute'“. Arsenal.com. Arsenal F.C. (2013-yil 11-iyul). Qaraldi: 2014-yil 15-iyul.
- ↑ Sarah Garrett. „Sporting Heroes“. G3 Magazine (2008-yil 1-avgust). Qaraldi: 2010-yil 12-oktyabr.
- ↑ Mike Rowbottom. „Women boldly go where no men have been of late“. The Independent (1995-yil 6-iyun). Qaraldi: 2010-yil 26-may.
- ↑ „England women Fixtures and Results, 2004/05“. Cresswell Wanderers FC. 2012-yil 24-oktyabrda asl nusxadan arxivlangan. Qaraldi: 2010-yil 11-oktyabr.
- ↑ „International Matches (Women) 2004“. RSSSF.com. Qaraldi: 2010-yil 26-may.