Larisa Seleznyova
Лариса Юревна Селезнева (русча: Лариса Юрьевна Селезнёва; 1963-йил 12-сентябрда Ленинградда туғилган) — Совет Иттифоқи вакили сифатида халқаро мусобақаларда қатнашган россиялик собиқ фигурали учувчи. Спортдаги шериги ва турмуш ўртоғи Олег Макаров билан бирга 1984-йилги Олимпия ўйинлари бронза медали совриндори, 1985-йилги Жаҳон чемпионатининг кумуш медали совриндори, 1988-йилги Жаҳон чемпионатининг бронза медали совриндори ва икки карра Европа чемпиони (1987, 1989) бўлган. Уларга Игор Москвин мураббийлик қилган.
| Лариса Селезнева | |
|---|---|
| Шахсий маълумотлари | |
| Давлат | Совет иттифоқи |
| Таваллуди |
1963-йил 12-сентябр Ленинград |
| Шериги | Олег Макаров |
| Мураббийи | Игор Москвин |
| Жамоаси | Зенит Ст. Петерсбург |
| Якунлаган | 1990 |
Фаолияти
Селезнева Ленинградда (ҳозирги Санкт-Петербург) таҳсил олган. У Олег Василев билан жуфтликда бир муддат конкида учган, аммо улар уч ойдан кейин ажралишган.
Селезнева ва Макаров 1978-йилда мураббийлари томонидан бирлаштирилган. Жуфтлик 1980 ва 1981-йилларда Ўсмирлар ўртасидаги Жаҳон чемпионатида ғолиб чиққан. 1984-йилда улар Сараэвода бўлиб ўтган Олимпиадада бронза медалини қўлга киритганлар, бу мусобақа жуфтлик учун биринчи йирик халқаро турнир эди. Селезнева Макаров билан бирга „Буюк меҳнат учун“ ордени билан тақдирланган (1984).
Жуфтлик 1985-йилда Токиода бўлиб ўтган Жаҳон чемпионатида кумуш медални қўлга киритиб, ўша пайтдаги жаҳон ва олимпия чемпиони Елена Валова / Олег Василевни ҳам мағлуб этган. Макаров 1988-йилги Қишки Олимпия ўйинлари олдидан тиззасини синдириб олган ва мусобақада тиззаси гипсланган ҳолда, оғриқ қолдирувчи дорилар ичиб, иштирок этган. Селезнева ва Макаров жуфтлиги Олимпия мусобақасида тўртинчи ўринни эгаллаган ва 1988-йилги Жаҳон чемпионатида бронза медалини қўлга киритган. Шунингдек, улар 1987 ва 1989-йилларда иккита Европа чемпионлигини қўлга киритишга муваффақ бўлган. Жуфрлик 1990-йилда мусобақаларда қатнашиш фаолиятидан истеъфога чиққан[1].
Селезнева / Макаров жуфтлигига Игор Москвин мураббийлик қилган[2].
Шахсий ҳаёти
Селезнева ва Макаров 1987-йилда турмуш қуришган. Оила 2001-йилда Россиянинг Санкт-Петербург шаҳридан Ню-Ёркка кўчиб ўтган[3].
Натижалари
Олег Макаров билан жуфтликда
| Халқаро | ||||||||||||
|---|---|---|---|---|---|---|---|---|---|---|---|---|
| Мусобақа | 79 — 80 | 80 — 81 | 81 — 82 | 82 — 83 | 83 — 84 | 84 — 85 | 85 — 86 | 86 — 87 | 87 — 88 | 88 — 89 | 89 — 90 | |
| Олимпиада | 3 | 4 | ||||||||||
| Жаҳон чемпионатлари | 4 | 2 | 4 | 4 | 3 | 4 | ||||||
| Европа чемпионати | 4 | 2 | 1 | 2 | 1 | 2 | ||||||
| НҲК Тропҳй | 1 | 2 | ||||||||||
| Москва янгиликлари | 1 | 2 | 1 | 1 | 3 | |||||||
| Энниа Чалленге | 2 | 1 | 1 | |||||||||
| Халқаро: Ўсмирлар | ||||||||||||
| Жаҳон чемпионати | 2 | 1 | 1 | |||||||||
| Миллий | ||||||||||||
| Совет чемпионати | 5 | 4 | 1 | 1 | 2 | 1 | 1 | 1 | ||||
| Совет чемпионати (Ўсмирлар) | 1 | 1 | 1 | |||||||||
Манбалар
- ↑ Ричиниcк, Мичеле. „Аҳеад оф Сочи, Формер Руссиан Олймпианс беcоме УС cитизенс“. МСНБC (2013-йил 16-август). 2013-йил 24-августда асл нусхадан архивланган. Қаралди: 2022-йил 5-декабр.
- ↑ Маи, Андй; Адамс Отис, Гингер. „Фамоус фигуре скатинг фамилй фром Руссиа беcоме Америcан cитизенс“. Неw Ёрк Даилй Неwс (2013-йил 16-август).
- ↑ „Ксениа МАКАРОВА“. Интернатионал Скатинг Унион. 2010-йил 2-майда асл нусхадан архивланган.