Litvalar sahifasining manbasini koʻrish

'''Litvalar''' (oʻzlarini lietuviai deb ataydilar) — xalq. [[Litva|Litva Respublikasining]] asosiy aholisi (2924 ming kishi, 1990-yillar oʻrtalari). [[Rossiya]] (70 ming kishi), [[Latviya]] (34,6 ming kishi), AQShda (300 ming kishi), shuningdek, [[Kanada]], [[Polsha]], Janubiy Amerika va Avstraliyada yashaydilar. Umumiy soni 3,45 mln. kishi (1990-yillar oʻrtalari). Yevropeoid irqiga mansub. [[Litva tili]]da soʻzlashadilar. Dindorlari — [[Katolitsizm|xristian-katoliklar]]. Litvalar [[etnogenez]]i, tili va madaniyati jihatdan latishlarga yaqin. [[Neman]] va [[Daugava]] daryolari ora-ligʻiga miloddan avvalgi 3-ming yillik oxiri — 2-ming yillik boshlarida kirib kelgan Boltiq boʻyi qabilalari mahalliy aholi bilan uygʻunlashib Litvalarning shakllanishiga asos boʻlgan. Ushbu qabilalardan litva elati tarkibiga toʻliq suratda Litvalar, yoxud aukshtaytlar, jyamaytlar, skalvlar va nadruvlar, shuningdek, sudavlarning bir qismi, kurshlar, zemgallar va sellarning jan. tarmogʻi, shim. prusslar (bartlar, notanglar, semblar)ning bir qismi kirgan. <nowiki>IX—XII</nowiki> asrlarda mulkchilik munosabatlari vujudga kelgan, asta-sekin litva elati shakllangan. Etnik uyushuv <nowiki>XIII</nowiki> asr 1-yarmida Litva davlatining barpo etilishiga imkon bergan. 13— <nowiki>XV</nowiki> asrlarda litva elati uzil-kesil shakllangan.

Litvalarning asosiy mashgʻuloti — dehqonchilik, shuningdek, polizchilik, bogʻdorchilik, dengiz boʻylarida — baliqchilik. Milliy hunarmandchilik (toʻqimachilik, oʻymakorlik, kulolchilik) rivojlangan.<ref>[[OʻzME]]. Birinchi jild. Toshkent, 2000-yil</ref>

== Manbalar ==
{{manbalar}}

{{OʻzME}} <!-- Bot tomonidan yaratildi -->

{{chala}}

{{Turkumsiz|date=avgust 2024}}