Ziyosfera

Luca Hänni

Luca Hänni (1994-yil 8-oktyabr) — shveysariyalik xonanda va teleboshlovchi. U 2012-yilda „Deutschland sucht den Superstar“ning toʻqqizinchi mavsumda Germaniyaning „Idol“ loyihasi hisoblangan „Deutschland sucht den Superstar“ (DSDS) tanlovida gʻolib chiqqanidan soʻng mashhurlikka erishgan[1]. Luca ushbu shouda gʻolib chiqqan birinchi chet ellik va shou tarixidagi eng yosh ishtirokchi boʻlgan[2]. Hännining „Don't Think About Me“ deb nomlangan debyut singli Avstriya, Germaniya va Shveysariya xit-paradlarida birinchi oʻrinni egallagan. Shundan soʻng uning „My Name Is Luca“ (2012) debyut albomi chiqarildi, u ham Avstriya va Shveysariya albomlar xit-paradida birinchi oʻrinda debyut qilgan. Hamda har ikkala mamlakatda „oltin“ maqomiga ega boʻlgan. Uning 2013-yilda chiqarilgan „Living the Dream“ nomli ikkinchi studiyaviy albomi Shveysariyada ketma-ket birinchi oʻrinni egallagan ikkinchi albomiga aylangan[3].

Luca Hänni
Hänni 2018-yilda
Hänni 2018-yilda
Umumiy maʼlumot
Tavalludi 1994-yil 8-oktyabr (1994-10-08) (32 yosh)
Bern, Shveysariya
Janrlar
Kasbi
  • Xonanda
  • teleboshlovchi
Faoliyat yillari 2012–hozirgacha
Leybllar Universal Music
Turmush oʻrtogʻi Christina Luft

Hänni „DSDS“ rahbariyati bilan hamkorlikni toʻxtatishga qaror qilgan. Shveytsariyalik DJ Christopher S bilan oʻzining uchinchi „Dance Until We Die“ (2014) albomi ustida ishlagan. Ushbu loyiha yakunlangach, u oʻzining toʻrtinchi „When We Wake Up“ (2015) albomi uchun ijodiy nazoratni oʻz qoʻliga olgan. Mazkur albomda u R&B yoʻnalishiga oʻtgan va bu albom Shveytsariyada ketma-ket kuchli oʻntalikka kirgan toʻrtinchi albomi boʻlgan. Hännining mashhurligi SRF telekanalining „Kampf der Orchester“ musiqiy isteʼdodlar shousida, shuningdek RTL kanalining „Dance Dance Dance“ raqs tanlovida ishtirok etishi ortidan yanada oshdi. U ushbu loyihalarda mos ravishda 2014 va 2017-yillarda gʻalaba qozongan. 2019-yilda Hänni „Eurovision qoʻshiq tanlovi 2019“ Shveysariya nomidan „She Got Me“ qoʻshigʻi bilan ishtirok etib, toʻrtinchi oʻrinni egallagan.

Shaxsiy hayoti

Hänni Shveysariyaning Bern shahrida tugʻilgan[4]. Bogʻcha yoshida u baraban chalish darslariga qatnashgan. Toʻqqiz yoshida esa mustaqil ravishda gitara va pianino chalishni oʻrgangan[5]. Maktabni tamomlagandan soʻng u gʻisht teruvchi (bino quruvchi) mutaxassisligi boʻyicha oʻqishni boshlagan. Ikki yildan soʻng, yaʼni 2012-yilda musiqiy faoliyati sababli ushbu taʼlimni toʻxtatgan.

2020-yildan buyon xonanda „Letʼs Dance“ shousidagi raqs boʻyicha sherigi Christina Luft bilan munosabatda boʻlib kelgan. 2023-yil avgust oyida juftlik turmush qurgan. 2023-yil dekabr oyida ular ilk farzand kutayotganliklarini eʼlon qilishgan. 2024-yil iyun oyida ular qiz farzandli boʻlishgan.

Faoliyati

2012–2013: DSDS va undan keyingi muvaffaqiyatlar

Hänni 2013-yilda

2012-yilda Hänni RTL telekanalining Germaniyadagi „Idol“ loyihasi moslashuvi boʻlgan „Deutschland sucht den Superstar “ qoʻshiq tanlovining toʻqqizinchi mavsumida ishtirok etish uchun ariza topshirgan. 2012-yil 28-aprelda u final bosqichiga yetib kelgan. Finalda u Daniele Negroni bilan bellashdi va tomoshabinlarning 52,85 foiz ovozini toʻplab, shou gʻolibiga aylangan[6]. Oʻsha vaqtda Hänni „DSDS“ tarixidagi yagona voyaga yetmagan va bundan tashqari birinchi chet ellik xonanda sifatida gʻolib boʻlgan edi[6]. Mukofot sifatida u 500 000 yevro pul mablagʻi hamda Universal Music Group kompaniyasi bilan ovoz yozish shartnomasini qoʻlga kiritgan. Shuningdek, Luca va ikkinchi oʻrin egasi Negroniga avtomobil hamda haydovchilik guvohnomasi kurslari taqdim etilgan[6]. Hännining debyut hamda gʻoliblik qoʻshigʻi boʻlgan „Don't Think About Me“ 2012-yil 2-mayda sotuvga chiqqan. Katta muvaffaqiyatga erishgan ushbu singl sotuvga chiqqan dastlabki toʻrt kun ichida Shveytsariyada „oltin“ maqomini oldi hamda Avstriya, Germaniya va Shveysariya xit-paradlarida birinchi oʻrinda debyut qilgan. Bu natija bilan Hänni 52 yildan soʻng Germaniya xit-paradlarida birinchi oʻringa koʻtarilgan ilk Shveysariya fuqarosiga aylangan[6]. „Donʼt Think About Me“ taronasi xit-paradlarda turgan davrida 100 000 dan ortiq nusxada sotilgan[7].

Manbalar

  1. ↑ Bernd Peters; Denise Kylla. „Luca Hänni ist neuer "Superstar"“ (de) (2012-yil 28-aprel). 2012-yil 28-aprelda asl nusxadan arxivlangan. Qaraldi: 2012-yil 28-aprel.
  2. ↑ Stich, Juliane. „Luca Hänni gewinnt DSDS 2012“ (de) (2012-yil 28-aprel). 2012-yil 29-aprelda asl nusxadan arxivlangan. Qaraldi: 2012-yil 28-aprel.
  3. ↑ „Ein Schweizer ist Deutschlands neuer Superstar“ (de) (2012-yil 28-aprel). 2012-yil 29-aprelda asl nusxadan arxivlangan. Qaraldi: 2012-yil 28-aprel.
  4. ↑ „DSDS 2012: Kandidat Luca Hänni“ (de). RTL. 2012-yil 21-aprelda asl nusxadan arxivlangan. Qaraldi: 2012-yil 21-aprel.
  5. ↑ „Switzerland sends Luca Hänni with 'She Got Me' to Tel Aviv“. eurovision.tv. Eurovision (2017-yil 7-mart). 2019-yil 27-martda asl nusxadan arxivlangan. Qaraldi: 2019-yil 19-may.
  6. ↑ 6,0 6,1 6,2 6,3 „Schweizer ist Deutschlands neuer Superstar“ (2012-yil 29-aprel). 2019-yil 27-martda asl nusxadan arxivlangan. Qaraldi: 2019-yil 19-may.
  7. ↑ "Bereits Gold für den Sieger-Song". Berner Zeitung. 5 May 2012. https://www.bernerzeitung.ch/kultur/pop-und-jazz/Bereits-Gold-fuer-den-SiegerSong/story/12596828. Qaraldi: 19 May 2019. Luca Hänni]]

Havolalar

Vikiomborda „Luca Hänni“ mavzusi boʻyicha mediafayllar bor. 
"https://new.ziyosfera.uz/ziyo/Luca_H%C3%A4nni" dan olindi