Luqmon Boʻrixon

Википедияда исми Луқмон бўлган бошқа кишилар ҳақида ҳам мақолалар мавжуд.

Луқмон Бўрихон
Файл:Луқмон Бо'рихон.пнг
Таваллуди	15-феврал 1965-йил
Вафоти	25-июл 2023-йил(2023-07-25) (58 ёшда)
Йўналиш	Наср
Жанр	Ҳикоянавислик
Шоҳ асари	„Бегимқул катта“, „Ялангоёқ“, „Сирли муаллим“, „Хизр кўрган йигит“, „Жазирамадаги одамлар“
Мукофотлари

Луқмон Бўрихон (1965-йил 15-феврал, Янгиобод қишлоғи, Ғузор тумани, Қашқадарё вилояти, Ўзбекистон ССР – 2023-йил 25-июл, Тошкент, Ўзбекистон) – ўзбекистонлик ёзувчи, Ўзбекистон Ёзувчилар уюшмаси аъзоси, Ўзбекистонда хизмат кўрсатган маданият ходими, "Шуҳрат" медали соҳиби.

Ҳаёти

Луқмон Бўрихон 1965-йилнинг 15-февралида Қашқадарё вилояти Ғузор туманига қарашли Янгиобод қишлоғида туғилган. 1983-1985-йилларда муддатли ҳарбий хизматни ўтаган. 1986-йилда Тошкент давлат университетининг журналистика факултетига ўқишга кириб, 1991-йилда тамомлаган.

Фаолияти

Луқмон Бўрихон „Туркистон“ ва „Маърифат“ газеталарида адабий ходим, кейинчалик бўлим мудири сифатида фаолият кўрсатган. „Ёшлик“ журналининг бош муҳаррири бўлган.

Асарлари

Луқмон Бўрихоннинг дастлабки ҳикояси 1987-йилда „Бегимқул катта“ номи билан нашр этилган. Шундан кейин ёзувчининг „Ялангоёқ“ (1991), „Сирли муаллим“ (2006), „Ҳизр кўрган йигит“ (2007), „Темирйўл ёхуд титраётган тоғ“ (2009), „Қуёш ҳали ботмаган“, (2018), „Марҳаматли кун“ (2019), сингари қисса ва ҳикоялар тўпламлари чоп этилган. Ўқитувчилар ҳаётидан олинган „Сирли муаллим“ қиссаси Ўзбекистон Халқ таълими вазирлиги танловида ғолиб деб топилган. 2005-йилда „Жазирамадаги одамлар“ романини яратди. Луқмон Бўрихон ёзган „Сокин дарё“ романида олим Ўктам Умурзоқовнинг ҳаёти ва фаолияти ҳикоя қилинади.