Main Tower
Маин Тоwер — Германиянинг Франкфурт шаҳри, Инненстадт туманида жойлашган 56 қаватли, 200 м (656 фут) баландликдаги осмонўпар бино. У ўз номини яқин атрофда оқиб ўтувчи Майн (Маин) дарёси шарафига олган. Бинонинг баландлиги унинг антенна шпили билан бирга ҳисобланганда 240 м (787 фут) ни ташкил этади.
| Маин Тоwер | |
|---|---|
 | |
| Умумий маълумот | |
| Тури | Тижорат офислари |
| Жойлашуви |
Неуэ Маинзер Страßэ 52-58 Франкфурт, Ҳессе, Германия |
| Координаталар | 50°06′44″Н 8°40′19″Э / 50.11222°Н 8.67194°Э |
| Нархи | 700 миллион Немис маркаси |
| Баландлиги | |
| Антенна / Шпил | 240 м (787 фт) |
| Томи | 200 м (656 фт) |
| Техник ҳолати | |
| Қаватлар сони |
56 5 ер ости қаватлари |
| Бинонинг ички майдони | 101,705 м2 (1,094,700 кв фт) |
| Лифтлар сони | 27 |
| Дизайн ва конструксия | |
| Меъмор | Счwегер + Партнер |
| Асосий пудратчилар |
Ҳочтиэф Пҳилипп Ҳолзманн |
Бинонинг бешта ер ости қавати ва жамоатчилик учун мўлжалланган иккита томоша майдончаси мавжуд. Бу Франкфуртда жамоат кузатув майдончасига эга бўлган ягона осмонўпар бинодир. 2023-йил ҳолатига кўра, у Тоwер 185 билан бир хил баландликда бўлиб, Франкфурт ва Германиядаги тўртинчи энг баланд бино ҳисобланади.
Бинонинг фоесида жамоат кириши учун очиқ бўлган иккита санъат асари жойлашган: Билл Виоланинг „Тҳе Wорлд оф Аппеаранcес“ („Кўринишлар дунёси“) видео-инсталляцияси ва Степҳан Ҳубернинг (Штефан Ҳубер) „Франкфуртер Треппе / ХХ. Жаҳрҳундерт“ („Франкфурт зинапоялари / ХХ аср“) деворий мозаикаси.
Миноранинг дизайни ўзаро боғланган иккита минорага ўхшаш кўринишга эга. Улардан кичикроғи тўғри бурчакли параллелепипед шаклида бўлиб, 1970-йиллар меъморчилигига хос услубда лойиҳалаштирилган. Иккинчи ва баландроқ минора эса кўк рангли шиша фасадли силиндрсимон шаклда бўлиб, унинг тепасида узатиш антеннаси жойлашган.
Тарихи
Бино 1996—1999-йиллар оралиғида қурилган бўлиб, Ландесбанк Ҳессен-Тҳüринген (Ҳелаба) банкининг бош қароргоҳи бўлиб хизмат қилади. Бошқа ижарачилар қаторига Меррилл Лйнч ва Стандард & Поор'с компанияларининг Германиядаги офислари ҳамда Ҳессисчер Рундфунк телеканалининг студияси киради. АҚШнинг етакчи юридик фирмалари — Сулливан & Cромwелл ҳамда Cлеарй Готтлиэб Стеэн & Ҳамилтон ҳам Маин Тоwер биносида жойлашган. Биринчи ижарачилар 1999-йил 5-ноябрда кўчиб ўтишган, расмий очилиш маросими эса 2000-йил 28-январда бўлиб ўтган. Телеканал об-ҳаво маълумотларини узатаётганда, шарҳловчи бинонинг энг юқори қисмида (томида) туради.[5] 2015-йил июн ойида Ню-Ёркнинг НортҳСтар Реалтй Финанcе компанияси Маин Тоwер биносини тахминан 540 миллион еврога сотиб олиш бўйича келишувга эришди.[6][7]
Яна қаранг
Манбалар
- ↑ „Маин Тоwер“. CВУ Скйсcрапер Cентер.
- ↑ „Эмпорис буилдинг ИД 109692“. Эмпорис. 2016-йил 7-мартда асл нусхадан архивланган.
- ↑ „Маин Тоwер“. СкйсcраперПаге.
- ↑ Маин Тоwер ат Струcтураэ
- ↑ „Wир мачен дас Wеттер!“ (де). ҳр-фернсеҳен. Қаралди: 2025-йил 20-ноябр.
- ↑ „НортҳСтар Пайс $600М Плус фор Франкфурт Тоwер“. глобест.cом (2015-йил 17-июн). 2015-йил 20-июнда асл нусхадан архивланган. Қаралди: 2015-йил 19-июн.
- ↑ МАИН ТОWЕР — СКЙЛИНЕ АТЛАС
Ҳаволалар
 |
Викиомборда „Маин Тоwер“ мавзуси бўйича медиафайллар бор. |