Kontent qismiga oʻtish

Marhum Muhammad Abdulxoliq Gargash masjidi

Koordinatalari: 25°06′59″N 55°12′48″E / 25.1165°N 55.2132°E / 25.1165; 55.2132
ZiyoSfera, erkin ensiklopediya
Masjid
Marhum Muhammad Abdulxoliq Gargash masjidi

Marhum Muhammad Abdulxoliq Gargash masjidi — Birlashgan Arab Amirliklarining Dubay shahri Al-Quz tumanida joylashgan masjid[1].

Masjid marhum oila boshligʻi Muhammad Abdulxoliq Gargash xotirasiga bagʻishlab bunyod etilgan. Muhammad Gargash 2016-yilda vafot etgan. Masjid loyihasi Sumaya Dabbogʻ tomonidan ishlab chiqilgan boʻlib, Birlashgan Arab Amirliklarida ayol meʼmor tomonidan loyihalashtirilgan ilk masjidlardan biri hisoblanadi[2][3][4]. Masjid qurilishi 2021-yilda yakunlangan. Umumiy maydoni 1680 m2 boʻlgan masjid bir vaqtning oʻzida 1000 nafar namozxonni sigʻdira oladi. Inshoot zamonaviy va minimalist uslublar uygʻunligida yaratilgan. Tashqi fasadi geometrik naqshlar va xattotlik yozuvlari bilan bezatilgan oq toshdan ishlangan. Bino ichkarisiga tabiiy yorugʻlik tushishini taʼminlash maqsadida devorlarda ichkariga oʻyib ishlangan uchburchak shaklidagi teshiklar ochilgan[1][2][4][5].

Masjid hovlisi binoni ikki alohida qismga ajratib turadi. Kattaroq qismi gumbaz bilan yopilgan. Gumbazdagi teshiklar orqali masjid ichiga tabiiy yorugʻlik tushadi. Ushbu qismning birinchi qavatida erkaklar, ikkinchi qavatida esa ayollar namozxonasi joylashgan. Binoning kichikroq qismida birinchi qavatda tahorat oladigan xona, ikkinchi qavatda esa masjid imomi va muazzini uchun ajratilgan turarjoylar joylashgan. Ikki qismni ajratib turuvchi hovlining ustki qismi soyabon bilan yopilgan. Hovli binoning maʼnaviy va moddiy vazifalarini bir-biridan ajratib turuvchi makon sifatida talqin etiladi. Masjidning asosiy binosi yaqinida minora qad rostlagan[1][2][4][5][3].

Manbalar

  1. ↑ 1,0 1,1 1,2 „Mosque of Mohamed Abdulkhaliq Gargash / Dabbagh Architects“ (en-US). ArchDaily (2021-yil 13-sentyabr). Qaraldi: 2026-yil 28-yanvar.
  2. ↑ 2,0 2,1 2,2 Tolley, Georgia „Take a look at one of the first UAE mosques designed by a woman“ (en). The National. Qaraldi: 2026-yil 28-yanvar.
  3. ↑ 3,0 3,1 Tour one of the first UAE mosques designed by a woman.
  4. ↑ 4,0 4,1 4,2 Ravenscroft, Tom „Dabbagh Architects creates calligraphy-covered contemporary mosque in Dubai“ (en). Dezeen (2021-yil 26-avgust). Qaraldi: 2026-yil 28-yanvar.
  5. ↑ 5,0 5,1 Perry, Francesca „Sumaya Dabbagh designs monumental Dubai mosque“ (en-GB). ICON Magazine (2021-yil 7-oktyabr). Qaraldi: 2026-yil 28-yanvar.

25°06′59″N 55°12′48″E / 25.1165°N 55.2132°E / 25.1165; 55.2132