Metchik

Метчик — тешикларда винцимон резба (ариқча) очиш (қирқиш) учун мўлжалланган металл қирқиш асбоби. Метчикнинг бир учи кесувчи тиғлари (қирралари) бўлган силиндрик валикдан, иккинчи учи станок патронига ёки қисқичга маҳкамлашга мўлжалланган қуйруқдан иборат.

Асосий хиллари: дастаки метчик (қўлда резба очиш учун); гайка метчиги (икки томони очиқ тешикларда резба очиш учун); машина метчиги (пармалаш станокларида, автомат ва махсус агрегат станокларида, асосан, бир томони берк тешикларда резба очиш учун); станок метчиги (гайка қирқиш станокларида икки томони очиқ тешикларда резба очиш учун); автомат метчик (гайка қирқиш станокларида резба очиш учун) ва бошқалар. Улар легирланган асбобсозлик пўлати ва тезкесар пўлатдан ясалади.