Munozara sahifasining manbasini koʻrish

'''Munozara''' — 1) bahs, fikrlar tortishuvi; 2) mumtoz adabiyotda keng tarqalgan janr. Fikrlar kurashi shaklida yozilgan badiiy asar. Munozarada turli narsa, [[hodisa]], [[tushuncha]], holat va boshqalar [[Konflikt|konfliktga]] kirishadi. [[Obraz|Obrazlar]] koʻpincha ramziy mohiyat kasb etib, munozara qiladilar. Baʼzan munozarada maqtov (panegerik) qism ham boʻladi. Unda mazkur asarni yozishga turtki bergan odam maqtaladi. Ammo bu hamma asarlarda ham boʻlavermaydi. Munozaraning qissadan qissa chiqarish yoki muallifning muayyan masala haqidagi xulosasi bilan tugallangan shakllari ham boʻladi. [[Asadiy Tusiy Abu Mansur Ali ibn Ahmad|Asadi Tusiyning]] (<nowiki>XI</nowiki> asr) „Kecha va kunduz munozarasi“, „Nayza va yoy munozarasi“, [[Amiriy (shoir)|Amiriyning]] „Bang va Chogʻir orasidagi munozara“ (<nowiki>XV</nowiki> asr), [[Yaqiniy|Yaqiniyning]] „Oʻq va yoy orasidagi munozara“ (<nowiki>XV</nowiki> asr). [[Fuzuliy|Fuzuliyning]] „Bangu boda“, „Sihat va maraz“ asarlari munozaraning namunalaridir. Hozirgi zamon oʻzbek sheʼriyatida ham bu janrda asarlar yaratilgan (Sulton Joʻra, „Tinish belgilar majlisi“).<ref>[[OʻzME]]. Birinchi jild. Toshkent, 2000-yil</ref>

== Manbalar ==
{{manbalar}}

{{OʻzME}}

{{chala}}



[[Turkum:Munozara]]