Mushfiqiy

"МУСҲФИҚИЙ" — ҳажвий журнал. "Овози тожик" газ.га илова тарзида Самарқанд шаҳрида 2 ҳафтада 1-марта чиққан. Жур. дастлаб 1926—29 йилларда "Мулла Мушфиқ" номи билан аталган. 1930-йилда қайта ташкил этилиб, "М." номи билан 1937-йилгача мунтазам чиқиб турган. Жур. номи форстожик тилида ижод қилган бухоролик шоир Абдурраҳмон Мушфиқий (1525—88) номи билан боғлиқ бўлиб, у лирик шеърлар билан бирга халқнинг тузнасибасига шерик бўлган, инсофсиз, диёнациз, риёкор кишиларни фош этувчи ичакузди шеърлар ҳам ёзган. Шунинг учун ҳам Мулла Мушфиқий номи тожик халқ латифалари қаҳрамонига айланиб кетган. Жур.да, асосан, самарқандлик ва бухоролик тожикзабон ёзувчиларнинг ҳажвий асарлари босилган. Ҳожи Муин жур.га масъул котиблик қилган.