Natallya Vasilevich
Natalliya Stsiapanauna Vasilevich (belaruscha: Наталля Сцяпанаўна Васілевіч; 1982-yil 15-martda tugʻilgan) — belaruslik inson huquqlari faoli va teolog. Belarusdagi ekumenik harakatning yetakchi aʼzolaridan biri boʻlib, diniy erkinlik hamda cherkovlarning ijtimoiy masʼuliyati borasida olib borgan targʻiboti bilan tanilgan. Hozirda nasroniy inson huquqlari guruhi Nasroniy qarashlar guruhining moderatori sifatida faoliyat yuritadi.
| Natallya Vasilevich | |
|---|---|
| Наталля Васілевіч | |
| Tavalludi |
1982-yil 15-mart |
| Fuqaroligi | Belarus |
| Taʼlimi |
Belarus davlat universiteti Bonn universiteti |
| Kasbi |
Teolog Inson huquqlari faoli |
| Faoliyat yillari | 2002–hozirgacha |
| Mashhur ishlari | Belarusda urushga qarshi ekumenizmni qoʻllab-quvvatlash |
| tashkilot | Nasroniy qarashlar |
Yoshligi
Natallya Vasilevich 1982-yil 15-martda Minskda tugʻilgan. U yerda Yakub Kolas nomidagi Gumanitar litseyda oʻqib, 1999-yilda oʻqishni tamomlagan[1]. U 1999–2004-yillarda Belarus davlat universitetining yuridik fakultetida siyosatshunoslik boʻyicha tahsil olgan. Keyinchalik Vasilevich 2005-yilda siyosatshunoslik yoʻnalishida magistr darajasini, 2008-yilda esa yana shu yoʻnalish boʻyicha PhD darajasini olgan. Oʻqishni tugatgach, u Belarus huquqiy tadqiqotlar institutida huquq nazariyasi va tarixi boʻlimida professor sifatida faoliyat yurita boshlagan[2].
2014-yilda Natallya Vasilevich Germaniyadagi Bonn universitetida ekumenik tadqiqotlar boʻyicha magistr darajasini olgan. 2015-yildan esa ayna shu universitetning falsafa fakultetida doktorant sifatida tahsil olgan. 2025-yilda u Pravoslav cherkovining Muqaddas va Buyuk Kengashining kengashgacha boʻlgan jarayoni haqidagi dissertatsiyasini muvaffaqiyatli himoya qilgan[3].
Yozuvchilik faoliyati
2002–2019-yillar oraligʻida Vasilevich „Pani z kadzilam“ nomli blog yuritgan. Ushbu blogda cherkov hayoti, eʼtiqod masalalari va ijtimoiy faollik haqida yozgan. Vasilevich siyosat, inson huquqlari, diniy erkinlik, davlatda cherkovning roli hamda 2020–2021-yillardagi Belarus norozilik namoyishlari kontekstida nasroniy jamoalarining roli haqida turli maqolalar yozgan. Uning tadqiqotlari din sotsiologiyasi, fuqarolik faolligi teologiyasi va ekumenik muloqotga qaratilgan[4].
Manbalar
- ↑ „Ergebnis der Suche nach: nid=1049698584“ (de). German National Library. 2025-yil 22-fevralda asl nusxadan arxivlangan. Qaraldi: 2026-yil 8-mart.
- ↑ Smyatannikov, Andrei. „Выкладчыкі беларускай ВНУ засталіся бяз працы з-за перакананьняў“ (be). Generation.by (2011-yil 28-sentyabr). 2011-yil 30-sentyabrda asl nusxadan arxivlangan. Qaraldi: 2026-yil 8-mart.
- ↑ Vasilevich, Natallia (5 October 2025). "The Pan-Orthodox Celebration of the 1600th Anniversary of the Council of Nicaea in 1925". The Ecumenical Review. https://onlinelibrary.wiley.com/doi/10.1111/erev.12908.
- ↑ „Natallia Vasilevich“ (en). ResearchGate. Qaraldi: 2026-yil 8-mart.