Ziyosfera

Nazim Aliyev

Nazim Aliyev (ozarbayjoncha: Nazim Əliyev; 1963-yil 5-aprelda. Ozarbayjon SSR poytaxti Bokuda tugʻilgan) — ozarbayjonlik futbolchi, hujumchi pozitsiyasida oʻynagan. Ozarbayjon futbol tarixiga Ozarbayjon Premyer-ligasining toʻrt karra eng yaxshi toʻpurari boʻlgan futbolchi sifatida kirgan. Faoliyatini yakunlaganidan murabbiylik bilan shugʻillangan.

Nazim Aliyev
Shaxsiy maʼlumot
Toʻliq ismi Nazim Aliyev
Tavallud sanasi 1963-yil 5-aprel (1963-04-05) (63 yosh)
Tavallud joyi Soviet Union
Ampluasi Hujumchi
Yoshligida aʼzo boʻlgan klublar
Neftchi
Professional faoliyati*
Yillar Jamoa Isht. (Gol.)
1988–1994 Khazar Sumgayit
1994–1995 Neftchi
1995 Qarabağ
1998 Shafa Baku
1998 Dinamo Baku
Milliy terma jamoa
1993 Ozarbayjon 1 (0)
*Professional klublardagi gollari (ichki chempionat)

Futbolchilik faoliyati

1986-yilda futbol boʻyicha SSSR chempionati ikkinchi ligasining „Ganjalik“ klubida hujumchi sifatida oʻynagan. 1987-yilda u „Vosxod“ klubiga (Sumgait) oʻtgan va u yerda faqat bir mavsum oʻtkazgan.

1988-yilda „Neftchi“ (Boku) safiga qoʻshilgan. Oliy liga oʻyinlarida maydonga tushmagan, ammo SSSR kubogida 1 ta oʻyin va SSSR futbol federatsiyasi kubogida 3 ta oʻyin oʻtkazgan (1 ta gol). Yozning oʻrtalariga qadar „Neftchi“ oʻrinbosarlar jamoasida oʻynagan (1 ta gol urdi), shundan soʻng „Hazar“ klubiga qaytgan. Sumgait jamoasida keyinchalik yana 3 mavsumni SSSR chempionatida, 1992-yildan esa Ozarbayjon chempionatida oʻtkazgan.

Ozarbayjonning birinchi chempionatida u 39 ta gol bilan liganing eng yaxshi toʻpurari boʻlgann. Bu natija Ozarbayjon chempionatlari uchun rekord hisoblanadi.

1994—1995-yillarda „Neftchi“ (Boku) jamoasida oʻynagan va u yerda ham klubning eng yaxshi toʻpurari boʻlgan. 1996—1997-yillarda „Qorabogʻ“ (Agʻdam) klubi tarkibida oʻynagan.

1997–98-yilgi mavsumni „Sumgait“ klubida boshlagan, mavsum oʻrtalarida „Dinamo“ (Bok-u) ga oʻtgan.

Nazim Ozarbayjon chempionatlarida kiritilgan gollar soni boʻyicha rekordchi hisoblanadi. Futbolchilik faoliyati davomida 183 ta gol urgan. Toʻrt marta: 1992, 1995, 1996 va 1998-yillarda 39, 27, 23 va 23 ta gol bilan Ozarbayjon Premyer-ligasining eng yaxshi toʻpurari boʻlgan. 1999-yilda futbolchilik faoliyatini yakunlagan.

Terma jamoadagi faoliyati

1993-yilda Ozarbayjon terma jamoasi safida bitta oʻyin oʻtkazgan.

Murabbiylik faoliyati

2003–04-yilgi mavsumda Agʻdamning „Qarabağ“ klubida Shahin Diniyevga yordamchi boʻlib ishlagan. 2004-yilning yozidan boshlab u poytaxtning „Shafa“ klubini boshqargan. Biroq, birinchi davra yakunida „Shafa“ moliyaviy muammolar tufayli milliy chempionatdagi ishtirokini toʻxtatgan. Nozim Aliyev klub tarqalib ketgach, jamoa tarkibidagi baʼzi futbolchilari bilan „Adliya“ klubiga oʻtgan. Yangi joyda Aliyev bor-yoʻgʻi bir oydan koʻproq vaqt oʻtkazgan. 24-tur doirasida oʻz maydonida poytaxt MOIKga (0:6) magʻlub boʻlganidan soʻng, bosh murabbiy isteʼfoga chiqqan[1].

2006-yilda Ozarbayjon olimpiya terma jamoasini boshqargan. Terma jamoa 2007-yilgi Yevropa chempionati saralash bosqichida ishtirok etgan. Jamoa guruh bosqichidan oʻta olmagan, ammo pley-off bosqichiga yoʻl olgan va unda Irlandiya terma jamoasi raqib boʻlgan. Bokudagi birinchi oʻyinda irlandiyaliklar 2:1 hisobida gʻalaba qozongan boʻlsa-da,UEFA diskvalifikatsiya qilingan Vugar Nodirovning maydonga tushgani sababli mezbonlarga 0:3 hisobida texnik magʻlubiyat yozdi. Javob uchrashuvida esa Irlandiya terma jamoasi 3:0 hisobida gʻalaba qozongan. Aliyev bilan 2006-yilning may oyida tugagan shartnomani uzaytirilmagan.

2007-yil mart oyidan boshlab Ozarbayjon yoshlar (U-19) terma jamoasida 2008-yilgi Yevropa chempionatining ikkinchi saralash bosqichida ishtirok etish davrida Arif Asadovning yordamchisi boʻlgan[2]. Keyinchalik Ozarbayjon terma jamoasida Shahin Diniyevga yordamchi boʻlib ishlagan[3].

2009-yilning birinchi yarmida Olimpik-Shuvalan klubida murabbiy boʻlib ishlagan, shu bilan birga oʻrinbosarlar jamoasini boshqargan[4].

2009-yilning ikkinchi yarmida u „Terek“ klubida dastlab Shahin Diniyev[5], keyinchalik esa Anzor Ismoilovning[6] yordamchisi sifatida ishlagan.

2010-yil boshidan „Neftchi“ oʻrinbosarlar jamoasini boshqargan, oʻsha yilning may oyida „Qarabağ“ klubiga 1:6 hisobida magʻlub boʻlgani uchun isteʼfoga chiqqan[7]. 2010-yil iyun oyidan „Neftchi“ bolalar va oʻsmirlar jamoasi bosh murabbiyi boʻlib ishlagan[8].

2011-yilda yana bir bor Shahin Diniyevga Eronning „Rah Ahan“ jamoasida yordamchilik qilgan[9].

Shaxsiy hayot

Nazim oʻgʻli Elgiz Kərəmli ham futbolchi boʻlib, yarim himoyachi pozitsiyasida oʻynagan[10].

Yutuqlar

  • Ozarbayjon chempioni (1): 1996-yil („Neftchi“)
  • Ozarbayjon chempionatining kumush medali sovrindori (3): 1992, 1993 (ikkalasi ham „Hazar“ Sumgait), 1997 (Qorabogʻ Agdam)
  • Ozarbayjon chempionatining bronza medali sovrindori (1): 1995-yil („Neftchi“)
  • Ozarbayjon kubogi sohibi (2): 1994–95, 1995–96 („Neftchi“)
  • Bir mavsumda gol urish boʻyicha Ozarbayjon chempionati rekordchisi: 39 ta gol

Manbalar

  1. ↑ „FK „Adliya“ vnov vozglavil Afgan Talibov“. 2015-yil 23-sentyabrda asl nusxadan arxivlangan. Qaraldi: 2026-yil 18-fevral.
  2. ↑ „Nazim Aliev stal pomoщnikom svoego bivshego podopechnogo“. 2015-yil 23-sentyabrda asl nusxadan arxivlangan. Qaraldi: 2026-yil 18-fevral.
  3. ↑ Aliev pokinul sbornuyu Azerbaydjana
  4. ↑ Udar Askeru Abdullaevu ot Shaxina Dinieva[sayt ishlamaydi]
  5. ↑ „Азербайджанец покинул Терек“. 2009-yil 28-dekabrda asl nusxadan arxivlangan. Qaraldi: 2012-yil 19-aprel.
  6. ↑ Nazim Aliev: „Laxiyalov ne osobo gorit jelaniem vozvraщatsya v sbornuyu Azerbaydjana“
  7. ↑ „Главный тренер «Нефтчи» подал в отставку“. 2015-yil 22-iyulda asl nusxadan arxivlangan. Qaraldi: 2012-yil 19-aprel.
  8. ↑ „Новые тренеры «Нефтчи»“. 2015-yil 22-iyulda asl nusxadan arxivlangan. Qaraldi: 2012-yil 19-aprel.
  9. ↑ „Диниев определился со своими помощниками“. 2016-yil 4-martda asl nusxadan arxivlangan. Qaraldi: 2012-yil 19-aprel.
  10. ↑ Roditeli Elgiza Kerimli otkazalis otpuskat sina v „Rubin“

Havolalar

"https://new.ziyosfera.uz/ziyo/Nazim_Aliyev" dan olindi