Nukat sahifasining manbasini koʻrish

'''Nukat''' — [[oʻrta asr]] shahri. [[Toshkent]]dan [[Tunkat]]ga va [[Fargʻona]]ga boradigan savdo yoʻlida joylashgan. Nukat 11 —<nowiki>XII</nowiki> asrlardagi Sharq yoʻlnomalarida qayd etilgan. <nowiki>IX—X</nowiki> asrlarda kattaligi jihatidan Ilokda Tunkatdan keyingi oʻrinda turgan. Nukatning keyinchalik Ulkan Toʻytepa deb atalgan shahar harobasini [[1928]]-yilda [[M.Ye.Masson]] Toshkent yaqinidagi Toʻytepa qishlogʻidan topgan. Nukatning markazi toʻgʻri burchak shaklidagi [[shahriston]] boʻlib, maydoni 18 gektarni tashkil qiladi. U toʻrt darvozali ulkan devor bilan oʻralgan. Shimoliy qismida toʻrtburchakli 0,75 ga kattalikdagi qalʼa boʻlgan. Nukatning [[rabod]]i 100 gadan ortiq maydonni egallagan. Shaharning sharqiy qismida oʻliklar [[ossuariy]]lar (ostodon)da dafn qilingan qabriston joylashgan. Nukatdan <nowiki>VIII—XII</nowiki> asrlarga oid tangalar, sopol, oltin, mis va jez idishlar, temir oʻroq, pichoq, shuningdek, chiroyli qandil va murakkab bosma naqshlar bilan bezalgan idishlar topilgan. Topilmalarning eng qadrlisi <nowiki>VI—VII</nowiki> asrlarga oid. <nowiki>IX—X</nowiki> asrlarda shahar tez rivojlangan. [[Idrisiy]]ning maʼlumotiga koʻra, [[<nowiki>XII</nowiki> asr]]da Tunkat tanazzulga uchrashi munosabati bilan [[Iloq]] davlatining poytaxtiga aylangan. <nowiki>XIII</nowiki> asr boshida moʻgʻullar istilosi natijasida xarobaga aylangan<ref>[[OʻzME]]. Birinchi jild. Toshkent, 2000-yil</ref>.

== Manbalar ==
{{manbalar}}

{{OʻzME}}

{{chala}}

[[Turkum:Oʻzbekiston milliy ensiklopediyasi]]