Ogʻir atletika sahifasining manbasini koʻrish

[[Fayl:Olympics 2012 Women's 75kg Weightlifting.jpg|thumb|2012-yilda [[London|Londonda]] boʻlib oʻtgan yozgi [[Olimpiada oʻyinlari|Olimpiada oʻyinlarida]] ispaniyalik ogʻir atletikachi Lidiya Valentin.]]
'''Ogʻir atletika''' — [[sport]] turi, har xil vazn toifalarida ogʻir narsalar (shtanga, [[tosh]]) koʻtarishda musobaqalashish. Ogʻirliklarni koʻtarish mashqlari qad. zamonlardan maʼlum. Rasmiy musobaqalar esa 1860-yillardan (birinchi marta [[Amerika Qoʻshma Shtatlari|AQShda]]) oʻtkazib kelinadi. hozirgi vaqtda shtangani ikki qoʻllab dast va siltab koʻtarish (1972-yildan) Ogʻir atletikaning asosiy mashqlari hisoblanadi. Dast koʻtarishda sportchi shtangani toʻxtatmay bir harakat bilan, siltab koʻtarishda — ketma-ket ikkita harakatda — avval koʻkrakka olish, keyin esa yuqoriga choʻzilgan qoʻllarga koʻtarishni amalga oshiradi. Ogʻir atletikachilarni (1977-yildan) 10 vazn toifasiga (52&nbsp;kg gacha — 110&nbsp;kg dan yuqori) ajratadilar. Ogʻir atletika 1896-yildan [[Olimpiada oʻyinlari]] (1900, 1908, 1912-yildan tashqari) dasturiga kiradi. 1896-yil 1-Yevropa chempionata, 1898-yil 1-jahon chempionata boʻlib oʻtgan. [[Oʻzbekiston|Oʻzbekistonda]] birinchi Ogʻir atletika toʻgaragi 1917-yilda [[Toshkent]] shahrida ochilgan, u „[[Toshkent ogʻir atletika jamiyati]]“ deb atalgan. Oʻzbekistonda Ogʻir atletikaning asoschisi Feoktist Gorizdro qisoblanadi. Oʻzbekistonda O.a federatsiyasi 1992-yildan faoliyat koʻrsatadi. U Xalqaro Ogʻir atletika federatsiyasi — IWf ga (1993), Osiyo Ogʻir atletika federatsiyasiga (1994) aʼzo. Oʻzbekiston Ogʻir atletika federatsiyasi har yili kattalar va yoshlar oʻrtasida Oʻzbekiston birinchiligi musobaqalarini oʻtkazadi. [[Andijon viloyati|Andijon]], [[Toshkent viloyati|Toshkent]] viloyatlari, Toshkent va Samarqand shaharlarida Ogʻir atletika keng ommalashgan. Ogʻir atletika seksiyalarida 7000 ga yaqin kishi muntazam shugʻullanadi. Xalqaro toifadagi sport ustalari [[Erkin Karimov]] (jahon rekordchisi, 1968), Isroil Isoqov, Noil Muhamadyorov (olimpiada oʻyinlarining kumush medali sovrindorlari, 1988), Sergey Sirsov (jaxrn chempioni, 1991, Olimpiada oʻyinlarining kumush medali sovrindori, 1992), Igor Sodiqov (jahon chempioni, 1991) va Oʻzbekistonda xizmat koʻrsatgan sportchi Igor Xalilov (yoshlar oʻrtasida Yevropa, jahon chempioni, 1992, Osiyoning 2 karra chempioni 1997, 2000) Oʻzbekistonning eng kuchli Ogʻir atletikachilaridir.<ref>[[OʻzME]]. Birinchi jild. Toshkent, 2000-yil</ref>

== Havolalar ==

* [[Yengil atletika]]

== Manbalar ==
{{manbalar}}

{{OʻzME}} <!-- Bot tomonidan yaratildi -->


{{chala}}

[[Turkum:Sport turlari]]
[[Turkum:Oʻzbekiston milliy ensiklopediyasi]]