Olmonlar sahifasining manbasini koʻrish

'''Nemislar''' yoki '''Olmonlar''' (oʻzlarini ''deutsche'' deb ataydilar) – xalq, [[Germaniya]]ning asosiy aholisi (74,6 mln. kishidan ortiq). Umumiy soni 86 mln. kishi (1990-yillar oʻrtalari), jumladan, [[Rossiya Federatsiyasi|Rossiya Federatsiyasida]] 843 ming kishi, [[Qozogʻiston|Qozogʻistonda]] 958 ming kishi (1990-yillar oʻrtalari). [[Nemis tili]]da soʻzlashadi. Dindorlari – [[Protestantizm|protestantlar]] (asosan, lyuteranlar) va [[Katolitsizm|katoliklar]].

Nemis xalqining etnik asosini milodiy 1-ming yillik oʻrtalarida [[Reyn]] va [[Odra|Oder]] daryolari oraligʻida yashagan qadimgi german qabilalari: [[franklar]], [[sakslar]], bavarlar, [[alemannlar]], tyuringlar, [[tevtonlar]], kimvrlar qabilalari ittifoqlari tashkil etgan. Bu ittifoq namoyandalari X asr ga kelib oʻzlarini – „[[tevtonlar]]“ deb atay boshlaganlar. Nemislar IX asrda elat boʻlib shakllangan. Nemis xalqining shakllanishi jarayonida (XII—XIII asrlar) gʻarbiy slavyan (polab) va Bol-tiqboʻyi qabilalari (prusslar va ularga qardosh litva qabilalari) ham qatnashgan. 1871-yilda [[Prussiya]] yetakchiligida Germaniyaning siyosiy va iqtisodiy birlashuvi nemis millatining shakllanishini, asosan, nihoyasiga yetkazgan. Nemislarning aksariyati yuksak rivojlangan sanoat va xizmat koʻrsatish sohasida band<ref>[[OʻzME]]. Birinchi jild. Toshkent, 2000-yil</ref>.

== Manbalar ==
{{manbalar}}

{{OʻzME}}

{{chala}}



[[Turkum:Nemislar]]