Optron

Оптрон — ёруғлик сигналларини кучайтириб ёки ўзгартириб берадиган асбоб. Ёруглик нурлатгичи ва фото қабул қилгичдан иборат. О. элементлари ўзаро оптик, электр ёки аралаш усулда уланади. Ёруғлик нурлатгичида кирувчи электр сигналлар ёруғлик сигналларига айланади ва оптик канал орқали фото қабул қилгичга узатилиб, унда электр сигналларига айланади. Нурлатгич сифатида, одатда, ярим ўтказгичли ёруғлик нурлатувчи диодлардан; оптик каналининг оралиқ муҳити сифатида оптик елимлар, шишалар, толали ёруғлик ўтказгичлар, ҳаводан; фото қабул қилгич сифатида фотодиод, фоторезистор, фототранзистор ва бошқалардан фойдаланилади. О. радиоэлектроника ва ҳисоблаш техникасида ишлатилади.