Oqota

Oqota - Toshkentning shimoli-sharqiy chekkasida joylashgan shahar harobasi (milodiy 5— 6—XI asrlar; qisman XV asr). XX asrning20-yillarida qayd etilgan boʻlsada, birinchi arxeologik tadqiqot ishlari 1940-yil oʻtkazilgan (M. E. Voronets). O.ning umumiy maydoni 600 x 300 m, arkining balandligi 5–6 m. 1960-yil O.dan temuriylar davriga oid xazina topilib, 1040 ta mis tanga Oʻzbekiston xalqlari tarixi muzeyiga topshirilgan. O.ning negizini ilk oʻrta asrlarda qurilgan ark tashkil qiladi. U 10— XI asrlarga kelib qabristonga aylangan. Oqotadagi hayot XV asrda bir oz jonlangan.