Ziyosfera

Pak Mun Sim

Пак Мун Сим (1906-йил 1-декабр, Амур вилояти, Приморск ўлкаси, Олгинский тумани, Россия империяси – вафот этган санаси ва жойи номаълум[1]) – Ўзбекистон ССР, Тошкент вилояти, Қуйи Чирчиқ туманидаги Микоян номидаги колхоз бригадри[2]. Социалистик Меҳнат Қаҳрамони (1951).

Пак Мун Сим
Таваллуди 1-декабр 1906-йил
Россия империяси
Вафоти Аниқ эмас
Мукофотлари

Ҳаёти

Пак Мун Сим 1906-йилда Олгинский туманидаги аҳоли пунктларидан бирида катта деҳқон оиласида туғилган. Меҳнат фаолиятини ўн тўрт ёшида ўсмирлик чоғида ота-онасининг фермасида бошлаган. 1920-йилларда Посетовский туманида, 1930-йилларнинг ўрталаридан эса Буденновский туманидаги Николаевка қишлоғида яшаган.

Пак Мун Сим 1937-йилда Ўзбекистон ССР, Тошкент вилояти, Қуйи Чирчиқ туманидаги махсус посёлкага сургун қилинган[3]. 1943–1953-йилларда Қуйи Чирчиқ туманида жойлашган Микоян номидаги колхозда ишлаган. У яшил каноп етиштириш бўйича жамоани бошқарган.

1950-йилда Пак Мун Сим жамоаси 21,3 гектар майдоннинг ҳар гектаридан ўртача 84,3 сентнердан яшил каноп пояси йиғиб олган. СССР Олий Кенгаши Президиумининг 1951-йил 22-майдаги фармони билан унга Ленин ордени, „Ўроқ ва Болға“ олтин медали ҳамда Социалистик Меҳнат Қаҳрамони унвони берилган.

Кейинги йилларда Сирдарё вилоятида жойлашган Хрушчев номидаги колхозда (1954–1957), Қуйи Чирчиқ туманида жойлашган Карл Маркс номидаги колхозда (1957–1961), Сирдарё вилоятида жойлашган Коммунизм колхозида (1961–1963) ва Сирдарё вилоятида жойлашган Сирдарё колхозида (1964–1968) оддий колхозчи бўлиб ишлаган.

Пак Мун Сим 1968-йилда нафақага чиққан ҳамда касаба уюшма аҳамиятига эга нафақахўр бўлган. У 1990-йилларда Чиноз шаҳрида яшаган. Ўлим санаси аниқланмаган.

Адабиётлар

  • Шин Д. В., Советские корейцы Герои Социалистического труда, Алматы: Сервиcе Пресс, 2019
  • З. В., Пан Н. Г. Герои Социалистического Труда — казахстанцы, Алма-Ата, 1969—1985, тт. 1-5
  • Мен Д. В., Квон Л. А., Ким, Советские корейцы Казахстана, Алматы, 1992
  • Ким П. Г., Корейцы Республики Узбекистан, Ташкент: Узбекистон. 1993
  • Кан Г. В., История корейцев Казахстана, Алматы: Гылым, 1995
  • Ким Г. Н., Мен Д. В., История и культура корейцев Казахстана, Алматы: Гылым, 1995
  • Ким Б. И., Корейцы Узбекистана. Кто есть кто, Ташкент, 1999

Манбалар

  1. ↑ „Статьи с меткой «Герои Социалистического труда“. www.корё-сарам.сите. Қаралди: 23-ноябр 2023-йил.
  2. ↑ „Пак Мун-Сим - Герой Социалистического Труда“. www.wарҳероэс.ру. Қаралди: 23-ноябр 2023-йил.
  3. ↑ „ВЭКС. Герой Социалистического труда Пак Мун Сим“. www.ёутубе.cом. Қаралди: 23-ноябр 2023-йил. 
"https://new.ziyosfera.uz/ziyo/Pak_Mun_Sim" dan olindi