Payariq

Паяриқ (1991-йилгача Наримоновка посёлкаси) — Самарқанд вилояти Паяриқ туманидагн шаҳар (1991-йилдан), туман маркази. Нурота тоғлари ён бағрида жойлашган. Денгиз сатҳидан ўртача 610 м баландликда. Яқин темир йўл стансияси — Улуғбек (40 км). Вилоят маркази (Самарқанд)гача —43 км. Аҳолиси 11,5 минг киши (2003).

Паяриқ
шаҳар
39°59′21″Н 66°50′45″Э
Мамлакат	Ўзбекистон
вилоят	Самарқанд вилояти
туман	Паяриқ тумани
Аҳолиси	11 500
Вақт минтақаси	УТC+5

П. ўрнида 1880-йилларда Россиядан кўчиб келиб ўрнашиб олганларнинг қишлоғи бўлган ва дастлаб Федоровка, Каталас деб аталган. П. номи туман ҳудудидан ўтган „Пай“ ариғи номидан олинган. П.да туман ҳокимияти биноси, маъмурий ва давлат идоралари, ишлаб чиқариш корхоналари, автокорхона, МТП, бозор, 3 та умумий таълим мактаби, қишлоқ хўжалиги касб-ҳунар коллежи, тиббиёт ва иқтисодиёт коллежлари, маданият уйи, марказий кутубхона, маданият ва истироҳат боғи бор. Марказий касалхона, тез тиббий ёрдам бўлими, поликлиника, дорихоналар, оптика дўконлари мавжуд.