Peshovar yettiligi sahifasining manbasini koʻrish

„'''Peshovar yettiligi'''“ (''„Afgʻon [[mujohid]]lari islomiy ittifoqi“'' yoki ''„Yettilar alyansi“'') — afgʻon mujohidlarining harbiy-siyosiy [[ittifoq]]i. Ular Kobul rejimi va [[Sovet Sotsialistik Respublikalari Ittifoqi|SSSR]] qoʻshinlariga qarshi kurashgan. 1981-yil [[Peshovar]]da dastlab 6 ta siyosiy guruh hamkorligida tuzilgan. Ishtirokchilar tarkibi va soni bir necha marta oʻzgargan (1982, 1985) va bunga ichki qarama-qarshiliklar sabab boʻlgan. 7 ta [[Sunniylik|sunniy]] [[mazhab]]dagi [[Fundamentalizm|fundamentalist]] va traditsionalist kuchlarning birlashuvidan „Ittifoq“ yakuniy koʻrinishiga olgan.  

== Ittifoq tarkibi: ==

# „Afgʻoniston islomiy inqilobi harakati“ (rahbari M. N. Muhammadiy)
# „Afgʻoniston islom partiyasi“ (rahbari G. Hikmatyor)
# „Afgʻoniston ozodligi islomiy ittifoqi“ (rahbari A. Safyor) 
# „Afgʻoniston islom partiyasi“ (rahbari Y. Xolis) 
# „Afgʻoniston milliy islomiy“ fronti (rahbari S. A. Giloniy) 
# „Afgʻoniston islom jamiyati“ (rahbari B. Rabboniy) 
# „Afgʻonistonni qutqarish milliy fronti“ (rahbari S. Mujaddadiy)

Bularning ichida [[Burhoniddin Rabboniy]]ning „Afgʻoniston islom jamiyati“ guruhi [[pashtunlar]]dan emas, asosan etnik [[tojiklar]] va Shimoliy Afgʻonistonning boshqa milliy ozchilik vakillaridan iborat edi. Ushbu [[Alyans]] yaratilishida muhim oʻrin tutgan davlatlar — [[Pokiston]], [[Saudiya Arabistoni]] va [[Amerika Qoʻshma Shtatlari|AQSh]] hisoblanadi. [[Shialik|Shia]]lardan tarkib topgan afgʻon mujohidlari esa [[Eron]] yordamida birlashtirilgan. Afgʻon xalqi nomidan faoliyat yuritayotgan kuch sifatida qurolli [[muxolifat]]ni namoyon etishga manfaatdor yetakchi kuchlar harakat qilgan. Muxolifat yetakchilarining diplomatik faolligi ortgan. 1980-yillarining 2-yarmida xorijiy mamlakatlar, xususan, AQSh, [[Germaniya]], [[Fransiya]] va boshqa davlatlarning rahbarlari bilan uchrashuvlar tashkil etilgan. [[Birlashgan Millatlar Tashkiloti|BMT]] va [[Islom konferensiyasi tashkiloti]]da a’zolikka da’vogarlik qilgan, ammo tashqi hamjihatlikning mavjudligiga qaramasdan, 1980-yillarning oxiri va 1990-yillarning boshida Afgʻonistonda sodir boʻlgan voqealar rivoji „Peshovar yettiligi“ a’zolari manfaatlarining mushtarak emasligi va siyosiy qarashlarining bir-biriga zidligini koʻrsatdi.

== Adabiyotlar ==
* {{Kitob manbasi|title=Афғонистон луғат-маълумотнома.|year=2021|author=И. И. Бобокулов.|location=Toшкeнт|publisher=«COMPLEX PRINT» нашриёти|pages=248|page=156-157}}
[[Turkum:Afgʻoniston]]
[[Turkum:Ittifoqlar]]