Poʻlati sahifasining manbasini koʻrish

== Tarixi ==
Poʻlati – arab qavmiga mansub boʻlgan aholi yashaydigan manzil. XX asr boshlarida bu qishloq aholisi 2,5 mingga yetar-yetmas edi, endilikda, bu maʼvoda 25 mingdan ortiq odam yashamoqda. Poʻlati qishlogʻidan X-XI asrlarda [[Muhammad al-Baladiy|Muhammad ibn Ahmad al-Baladiy]], Muhammad ibn Umar ibn Xorun al-Baladiy singari Sharq ilm-fanida oʻrin tutgan allomalar yashab, ijod qilganlar. Baladiylar – Poʻlatiylar toʻgʻrisida arab va Movarounnahr olimlari maʼlumot keltirganlar. Moʻjaz bir qishloqning oʻziga xos ilm-fan, madaniyat oʻchoqlaridan biriga aylanishi bejiz emas, albatta. Bu qishloq aholisining VIII asr boshlarida [[Buxoro]] shahrida oʻrnashuvi va X asr boshlariga kelib, [[Somoniylar]] tomonidan shahardan chiqarilishi oqibatida Koson hududiga kelib joylashishi davomida va keyingi asrlarda ham oldingi anʼanalarini saqlab qolganligi bilan chambarchars bogʻliq hol edi, desak oʻrinli boʻladi<ref name=":0">Poyon Ravshanov''. Poʻlati tarixi'' (oʻzbek). Yangi nashr, 2019 – 376 bet. [[Maxsus:BookSources/978-9943-22-176-5|ISBN 978-9943-22-176-5]].</ref>.

Poʻlati shaharchasi XX asr boshlarida ham Qashqadaryo vohasidagi yirik qishlolardan biri boʻlib kelgan. Oʻsha davrda [[Qashqadaryo okrugi]]da aholisi soni 3 mingga yetgan birorta qishloq boʻlmagan. Jon soni 3 mingga yaqinlashib boradigan aholi manzillari asosan Qashqadaryoning quyi qismida, faqat bittasi [[Kitob tumani]]da mavjud boʻlgan. Masalan, [[Qovchin]] (Qarshi tumani) qishlogʻida 2860, [[Beshkent]]da 2698, [[Jeynov]]da 2518, [[Varganza]]da 2322, [[Maymanoq]]da 2225, Poʻlatida 2223, Dasht qishlogʻida 2221 va [[Pomuq (shaharcha)|Pomuqda]] 2044 ta jon soni boʻlgan. Poʻlati qishlogʻi Qashqadaryo vohasidagi 1300 ga yaqin qishloqlar orasida aholi soni koʻrsatkichi boʻyicha 6-oʻrinda sanalgan<ref name=":0" />.