Qalampirgul

Qalampirgul — rezedagullilar oilasiga mansub bir yillik oʻsimliklar turkumi. Oʻrta dengiz boʻyi mamlakatlarida, Sharqiy Afrika va Hindistonda tarqalgan. Gʻarbiy Sibirda 1 turi, Oʻrta Osiyo va Kavkazda 10 turi uchraydi. Barglari ketma-ket joylashgan, gullari mayda, ikki jinsli, boshoqsimon yoki shingilsimon toʻpgul hosil qiladi. Mevasi koʻsakcha. Adirlar, toshloq yerlarda, baʼzi turlari ekinlar orasida begona oʻt sifatida oʻsadi. Gulchilikda, asosan, xushboʻy qalampirgul turi ekiladi. Gullari oq, xushboʻy, may-iyun oylarida gullab, urugʻlaydi. Xushboʻyligi tufay Sariqkelampirgul. Parfyumeriya sanoatida xushboʻy pardoz moy (pomada) tayyorlashda foydalaniladi. Ochiq yerga urugʻini sepib koʻpaytiriladi. Uning sariq turi iddizidan sariq boʻyoq olinadi.