Qutubi Olam masjidi
| Masjid | |
Qutubi Olam masjidi
| |
![]() | |
Qutubi Olam masjidi, toʻliq shakli — Qutubi Olam masjidi va maqbarasi, shuningdek, Vatva dargohi nomi bilan tanilgan, Hindistonning Gujarot shtati Ahmadobod shahri Vatva hududida joylashgan sobiq sufiy masjid va dargoh majmuasi hisoblanadi. Inshoot Hindistonning milliy ahamiyatga ega yodgorligi sanaladi[1].
Tarixi
Abu Muhammad Abdulloh ibn Nosiriddin Mahmud (yoki Muhammad) ibn Jaloliddin Maxdum Jahoniyon, asosan, Qutbi Olam, shuningdek, Soniyi Maxdum Jahoniyon (Maʼorij) nomlari bilan tanilgan. U Suhravardiylik tariqatiga mansub avliyo hamda Gujarotdagi Buxoriy sayyidlar sulolasining asoschisi boʻlgan. U Jaloliddin Maxdum Jahoniyning nabirasi boʻlib, 1388-yilda Uch shahrida tugʻilgan. „Mir’ot-i Ahmadiy“ asariga koʻra, Qutubi Olam 10 yoshida yetim qolgan, shundan keyin uni katta amakisi Shoh Raju Qattol tarbiya qilgan. Shoh Raju uni Gujarotga yuborgan. Bu yerda bobosining shogirdi sulton Muzaffarshoh I uni iliq kutib olgan. Qutubi Olam Mavlono Alishir Gujarotiydan taʼlim olgan, Ahmadobod asos solingach esa avval Asaualda, soʻng Batvada istiqomat qilgan. Shayx Ahmad-i Xattudan xirqa (tasavvufiy libos) olgan. Uning eng mashhur shogirdi oʻz oʻgʻli Shohi Olam boʻlgan[2].
Meʼmorchiligi
Ahmadshoh saroyidagi amaldorlar va sulton Qutbiddin (Ahmadshoh II) dastlab kichik maqbara qurdirgan. Keyinchalik Mahmud Begoda tomonidan masjid, uning oʻgʻillaridan biriga atab maqbara, katta hovuz va yana bir ulkan maqbara barpo etilgan. Masjid va oʻgʻil maqbarasi tekis hindu ibodatxonasi uslubida, ravoqlar va minoralarsiz barpo etilgan. Maqbara nihoyatda nafis ishlangan boʻlib, ustki qismini turli naqshlar bilan bezatilgan soyabon shaklidagi gumbaz qoplab turadi. Biroq bino qurilishi yakuniga yetkazilmagan, tashqi qismida ayvonlari mavjud emas, derazalariga esa tosh panjaralar oʻrnatilmagan[3][4].
Galereya
-
Ravoqlarning qisman saqlanib qolgan xarobalari, 2016-yil
-
Qutubi Olam maqbarasi, 1866-yil
-
Qutubi Olam va uning oʻgʻillarining maqbarasi, 1866-yil
Yana qarang
Manbalar
- ↑ „List of Ancient Monuments and Archaeological Sites and Remains of Gujarat“. Archaeological Survey of India. Qaraldi: 2016-yil 18-noyabr.
- ↑ S̲h̲afīʿ, Muḥammad „Burhān al-Dīn Ḳuṭb-i ʿĀlam“, . Encyclopaedia of Islam, Second Edition. Brill, 2012.
- ↑ Gazetteer of the Bombay Presidency: Ahmedabad. Government Central Press, 1879 — 287-bet.
Bu maqola jamoat mulki boʻlgan maʼlumotlarni oʻz ichiga oladi.
- ↑ „AHMEDABADS OTHER ROZAS“. The Times of India (2011-yil 25-fevral). 2014-yil 7-dekabrda asl nusxadan [ arxivlangan]. Qaraldi: 2014-yil 7-dekabr.
Havolalar
Vikiomborda „Qutubi Olam masjidi“ mavzusi boʻyicha mediafayllar bor.
| Hindistondagi masjidga oid uşbu maqola çaladir. Siz uni boyitib, ZiyoSferaga yordam berişingiz mumkin. |
- ZiyoSfera:Geografik kordinatalari koʻrsatilmagan masjidlar
- Alifbo boʻyicha masjidlar
- Hindistondagi 15-asr masjidlari
- 1469-yilda qurib bitkazilgan binolar va inshootlar
- Hindistonda gumbazli masjidlar
- 1460-yillarda qurib bitkazilgan masjidlar
- Ahmadoboddagi masjidlar
- Ahmadoboddagi maqbaralar
- Hindiston masjidlari haqidagi chala maqolalar
