Rahimjon Otayev (Otauli) sahifasining manbasini koʻrish

'''Otauli (Rahimjon Otayev)''' — Oʻzbekiston davlat mustaqilligi yillarida faol ijod qilayotgan taniqli [[adib]], [[tarjimon]], [[publitsist]] va [[munaqqid]]. U [[1949|1949-yilda]] Chimkent viloyatining Turkiston tumanidagi Chipon qishlogʻida tugʻilgan. [[1973|1973-yilda]] hozirgi Oʻzbekiston Milliy universitetining filologiya fakultetini tamomlagan. Oʻrta maktabda oʻqituvchi, Oʻzbekiston Xalq taʼlimi vazirligida uslubchi, Respublika Matbuot va axborot agentligida maslahatchi muharrir boʻlib ishlagan. [[1983|1983-yildan]] buyon Oʻzbekiston Yozuvchilar uyushmasida xizmat qiladi.

Otaulining „[[Osmon to'la yulduzlar]]“ falsafiy essesi, „[[Surnay navolari]]“ [[qissa]]lar va turkum badialar toʻplami, „[[Tilsim (Turkiston dostoni)]]“, „[[Elchi (Afandi o'lmaydigan bo'ldi)]]“, „[[Ulus (Forobiyning do'sti)]]“, „[[Zamona zayli]]“ nasriy dostonlari nashr etilgan. [[Gazeta]]-[[jurnal]]larda yozuvchining koʻpgina qissalari, [[hikoya]]lari, badialari, publitsistik va adabiy-tanqidiy [[maqola]]lari eʼlon qilingan. Eron adibi [[Muhammad Ali Jamolzoda]]ning „[[Sho’robod]]“ asarini, Fozil Iskandarning „[[Quyonlar va bo'g'ma ilonlar]]“ falsafiy ertagini — [[rus tili]]dan, Muxtor Magʻavinning „[[Tiriklik qo'shig'i]]“ va Abish Kekilboevning „[[Poygato'riq]]“ qissalarini — [[qozoq tili]]dan, Toʻlepbergen Qaipbergenov va Ollonazar Abdievning bir qator asarlarini — [[qoraqalpoq tili]]dan oʻzbek tiliga tarjima qilgan.

Yozuvchi [[1984|1984-yilda]] [[Eng jumboq tuyg'u]] publitsistik maqolasi uchun „[[Sharq yulduzi]]“ jurnalining yillik mukofoti, [[1995|1995-yilda]] „[[Tilsim (Turkiston dostoni)]]“ asari uchun [[Oʻzbekiston yozuvchilari uyushmasi]]ning [[Alp Jamol mukofoti]]ga sazovor boʻlgan. [[2000|2000-yilda]] [[Shuhrat (medali)|"Shuhrat"]] medali bilan taqdirlangan.

== Havolalar ==
* [http://otauli.ucoz.com/publ/1-2-2 Otauli asarlaridan parchalar]
* [https://web.archive.org/web/20110719140548/http://faruhjon.narod.ru/tarjimaihol.html Otauli avtobiografiyasi]
* [http://faruhjon.narod.ru/index.html Otauli haqida]

== Internetdagi elektron kutubxonalarda ==
* [http://kutubxona.com/Turkum:Otauli OʻzLib kutubxonasi] {{Webarxiv|url=https://web.archive.org/web/20160305000359/http://kutubxona.com/Turkum:Otauli |date=2016-03-05 }}

[[Turkum:Oʻzbekistonlik yozuvchilar]]