Renderlash
Рендерлаш ёки тасвир яратиш — бу компютер дастури ёрдамида 2Д ёки 3Д моделдан фотореалистик ёки фотореалистик бўлмаган тасвирни яратиш жараёни[1]. Олинган тасвир рендер деб аталади. Бир нечта моделлар тўпланган саҳна ўз ичига геометрик моделлар, текстура, ёруғлик ва сояларни олган ҳолда тасвир яратилади. Сўнг, саҳна файлидаги маълумотлар қайта ишлаш учун рендерлаш дастурига узатилади ва рақамли тасвир ёки растр график тасвир яратилади. Рендер, шунингдек, видео таҳрирлаш дастурида ишлангандан сўнг якуний видео натижасини ишлаб чиқиш учун ҳам ишлатилади.[2]
Рендерлаш 3Д компютер графикасининг асосий соҳаларидан бири бўлиб, амалда у компютер графикаси билан боғланган. Бу моделлар ва анимацияларнинг якуний тасвирини яратувчи сўнгги муҳим қадамдир. 1970-йиллардан бошлаб компютер графикасининг мураккаблашуви билан у янада долзарб мавзуга айланди.
Рендерлаш архитектура, видеоўйинлар, симуляторлар, кино ва телевидение визуал эффектларида қўлланади, уларнинг ҳар бири турли хил хусусиятлар ва техникавий усуллардан фойдаланади. Фойдаланиш учун турли хил рендер қилувчи дастурлар мавжуд. Баъзилари каттароқ моделлаштириш ва анимация ишлар учун ишлатилади, баъзилари кичик лойиҳаларда. Рендер қилувчи дастур ёруғлик физикаси, визуал идрок этиш, математика ва дастурий таъминотни ишлаб чиқиш каби кўплаб фанларга асосланган пухта ишлаб чиқилган дастурлардир.
Қўлланилиши
Кино анимациялари учун бир нечта тасвирлар (кадрлар) рендер қилиниши ва ушбу турдаги анимацияни яратишга қодир бўлган дастурда барча тасвирлар битта ягона анимация ҳосил қилиниши керак. 3Д тасвирларни таҳрирлаш дастурлари бу каби анимацияни амалга ошириши мумкин.
Хусусиятлари
- Соялар ҳосил қилиш — ёруғлик физикасига асосланган ҳолда керакли қисмларда соя ҳосил қилиш
- Текстура — рендер қилинаётган модел ёки кадрларда материал (текстура) қўллаш усули
- Бумп-текстура — моделнинг керакли юза (сирт)ларида кичик ўлчамдаги бурмаларни симуляция қилиш усули
- Фокус — тиниқ бўлмаган кадрлар билан ишлаш
- Соялар — ёруғликка тўсқинлик қилувчи таъсир
- Кичик соялар — қисман хиралашган ёруғлик манбаларидан келиб чиқадиган ўзгарувчан қоронғулик
- Рефлексия — ойнага ўхшаш ёки жуда шаффоф акс ҳосил қилиниши
- Шаффофлик (оптика) — қаттиқ жисмлар орқали ёруғликнинг синиб ўтиши
- Шаффофлик — ёруғликнинг қаттиқ жисмлар орқали жуда тарқоқ ўтиши
- Синиши — шаффофлик билан боғлиқ бўлган ёруғликнинг эгилиши
- Дифраксия — нурни бузадиган обект ёки диафрагма орқали ўтадиган ёруғликнинг эгилиши, тарқалиши ва интерференсияси
- Билвосита ёритиш — тўғридан-тўғри ёруғлик манбасидан эмас, балки бошқа сиртлардан қайтадиган ёруғлик билан ёритилган юзалар
- Каустиклар (билвосита ёритиш усули) — ёруғликни ёрқин обектдан акс эттириш ёки шаффоф обект орқали ёруғликни фокуслаш, бошқа обектда ёрқин рангларни яратиш
- Фокус яратиш — обектлар фокусланаётган обект олдида ёки орқасида (жуда узоқда бўлса), хира ёки фокус билан кўринади
- Ҳаракат хиралашиши — юқори тезликдаги ҳаракат ёки камера ҳаракати туфайли ҳаракатланаётган обектлар фокус билан кўринади
- Фотореалистик бўлмаган рендерлаш — расм ёки чизмага ўхшатиш учун мўлжалланган саҳналарни бадиий услубда кўрсатиш
Манбалар
- ↑ „А Неw Триcк Лец Артифиcиал Интеллигенcе Сеэ ин 3Д“. wиред.cом. WИРЕД. Қаралди: 1-август 2022-йил.
- ↑ „Рендерлаш нима?“ (2021-йил 20-июн). 2022-йил 8-ноябрда асл нусхадан архивланган. Қаралди: 2022-йил 1-август.