Ziyosfera

Rustam Akramov

Википедияда исми Рустам ва фамилияси Акрамов бўлган бошқа кишилар ҳақида ҳам мақолалар мавжуд.

Рустам Акрамович Акрамов (1948.11.8, Тошкент вилояти, Янгибозор шаҳарчаси — 2022.2.25, Тошкент) – футболчилар мураббийси, Ўзбекистонда хизмат кўрсатган спорт устози (1994). „Политотдел“, АСК (Тошкент), „Пахтакор“ футбол жамоаларида ўйнаган (1967—1973). МҲСК (Тошкент), МҲСК (Москва) болалар жамоалари мураббийси (1974—1976), Ўзбекистон давлат жисмоний тарбия институти футбол кафедраси мудири (1978—1987), доцент (1984). Жазоирнинг „Юсма“ жамоаси (1988—1992), Пахтакор (футбол клуби)“ (1994) ва Ўзбекистон миллий футбол терма жамоалари бош мураббийси (1992—1995). Унинг раҳбарлигида Ўзбекистон футбол терма жамоаси 12-Осиё ўйинларида қитъа чемпиони бўлди. Жаҳон футбол федерацияси – ФИФА мураббийлар академиясини битиргач (1994), Ҳиндистон миллий ва олимпия терма жамоаларининг бош мураббийси (1995—1996). Осиё футбол конфедерациясининг техник директори (1998-йилдан). "Шуҳрат" медали билан тақдирланган (1994)[1][2].

Рустам Акрамов
Шахсий маълумот
Тўлиқ исми Рустам Акрамович Акрамов
Таваллуд санаси 11-август 1948-йил
Таваллуд жойи Янгибозор, Юқори Чирчиқ тумани,
Тошкент вилояти, ЎзССР
Вафот санаси 25-феврал 2022-йил(2022-02-25)
(73 ёшда)
Вафот жойи Тошкент, Ўзбекистон
Бўйи 185 cм (6 фт 1 ин)
Амплуаси Ярим ҳимоячи
Мукофотлари
Профессионал фаолияти*
Йиллар Жамоа Ишт. (Гол.)
1967—1973 Политодел Тошкент
1967—1973 Пахтакор Тошкент
Бошқарган клублари
1974—1976 ССКА (ассистант)
1990—1991 УСМ Жазоир
1992 Жазоир
1992—1994 Ўзбекистон
1994 Пахтакор Тошкент
1995—1997 Ҳиндистон
*Профессионал клублардаги голлари (ички чемпионат)
(2022-йил 25-феврал учун)

Ҳаёти

1948-йил 11-августда Тошкентдан унча узоқ бўлмаган Янгибозор шаҳарчасида туғилган.

1970-йилда Ўзбекистон давлат жисмоний тарбия институтининг футбол факултетини футбол мураббийи мутахассислиги бўйича тамомлаган. Шунингдек, у Москва жисмоний тарбия институтида аспирантурада таҳсил олган. 1975-йилда „Селекция усуллари ва терма жамоаларни тайёрлаш бўйича тадқиқотлар“ мавзусида номзодлик диссертациясини ҳимоя қилди.

1967—1973-йилларда Тошкентнинг „Сиёсий бошқарма“ ва „Пахтакор“ жамоаларида ўйнаган. 1974-йилда у Москванинг „ССКА“ ёшлар жамоасида мураббийлик фаолиятини бошлади ва унга мураббийлик қилди.

Аспирантурани тамомлагач, Ўзбекистонда ўқитувчи бўлиб ишлаган. ГИФК илмий изланишлар билан шуғулланган, „Пахтакор“ жамоаси бош мураббийининг илмий маслаҳатчиси бўлган. 1978-йилда Ўзбекистон давлат жисмоний тарбия институти кафедра мудири бўлди. Бу лавозимда Акрамов 1987-йилгача ишлаган. 1984-йилда доцент илмий унвонини олди. 1980—1990-йиллар охирида у Жазоирда ишлаган, УСМ Алгиэрс клубини бошқарган (1990—1991) ва Жазоир терма жамоаси мураббийлар штабида ишлаган. 1987—1989-йилларда Жазоир миллий университетининг футбол кафедраси профессори бўлган. Ўша йилларда Рустам Акрамов Франсиянинг „Бордо“ футбол клубида мураббийлик маҳоратини оширди.

1992-йилда Ўзбекистон мустақилликка эришгач, футбол бўйича Ўзбекистон миллий терма жамоаси ташкил топди. Янги жамоага Рустам Акрамов ва Биродар Абдураимов мураббий этиб тайинланди. Унинг қўл остида Ўзбекистон терма жамоаси Марказий Осиё кубоги ғолибига айланди.

1994-йилда Ўзбекистон терма жамоаси Мустақиллик кубоги халқаро турнирида ғолиб чиқди. Йил якунига кўра Япониянинг Хиросима шаҳрида ўтказилган ёзги Осиё ўйинларида Ўзбекистон терма жамоаси финалда Хитой терма жамоасини мағлуб этиб, турнир чемпиони бўлди. Шу билан бирга, Рустам Акрамов Тошкентнинг „Пахтакор“ клубига мураббийлик қилган ва бир мавсум ушбу клубда ишлаган. Ўзбекистон терма жамоаси Хиросимадаги турнирдаги ғалабасидан сўнг Рустам Акрамов давлатимизнинг "Шуҳрат" медали билан тақдирланди ва Ўзбекистон Республикасида хизмат кўрсатган мураббий унвонига сазовор бўлди.

Акрамов ўша йили ФИФА мураббийлар академиясини тамомлаган ва 1995-йилда футбол бўйича Ҳиндистон терма жамоасини бошқаришга таклиф қилинган. Акрамов 1997-йилгача Ҳиндистон терма жамоасида ишлаб[3][4], Ўзбекистонга қайтди. 1998-йилда АФCнинг техник директори этиб тайинланди. У Ўзбекистон футбол федерациясида терма жамоалар маркази техник директори лавозимида ишлаган[5].

Футболга оид 30 дан ортиқ асарлар, 100 га яқин илмий мақолалар ва 6 та китоблар муаллифи. Ўзбек, рус, инглиз ва франсуз тилларини яхши билган.

Вафоти

2022-йил 15-февралда[6] вафот этган[7][8].

Мураббий сифатида эришган ютуқлари

Ўзбекистон терма жамоаси билан

  • Марказий Осиё давлатлари кубоги совриндори: 1992-йил
  • Мустақиллик кубоги соҳиби: 1994 йил
  • Ёзги Осиё ўйинлари чемпиони: 1994-йил[9]

Ҳиндистон жамоаси билан

  • Жанубий Осиё ўйинлари чемпиони: 1995-йил
  • Жанубий Осиё футбол федерацияси кубоги соҳиби: 1997-йил
  • Жанубий Осиё футбол федерацияси кубоги финалчиси: 1995-йил

Шахсий мукофотлари

Манбалар

  1. ↑ ЎзМЕ. Биринчи жилд. Тошкент, 2000-йил
  2. ↑ ҳттпс://www.газета.уз/ру/2022/02/15/рустам-акрамов/
  3. ↑ „Матчес 1992“. РСССФ. Қаралди: 2015-йил 28-феврал.
  4. ↑ Датта, Ниланжан. „Индиа'с У-16 бойс ҳаве тҳе ригҳт аттитуде: Рустам Акрамов“. СпорцКеэда (2011-йил 7-октябр). Қаралди: 2015-йил 28-феврал.
  5. ↑ „Тоҳир Шамсиддинов баннед фром 'алл фоотбалл-релатед аcтивитй' фор оне еар“. Тҳе Узбекистан Фоотбалл Федератион (2015-йил 13-феврал). 2015-йил 16-февралда асл нусхадан архивланган. Қаралди: 2015-йил 28-феврал.
  6. ↑ „Ўзбекистон терма жамоасини Осиё ўйинларида чемпион қилган футбол профессори Рустам Акромов вафот этди“ (15 феврал. 2022). 2022-йил 24-августда асл нусхадан архивланган. Қаралди: 2022-йил 22-август.
  7. ↑ „Очерк: Беқиёс профессор ёхуд Рустам Акрамов фаолиятига назар“ (20 сентабр, 2018). 2022-йил 21-октябрда асл нусхадан архивланган. Қаралди: 2022-йил 22-август.
  8. ↑ Ушёл из жизни профессор узбекского футбола Рустам Акрамов (русча)
  9. ↑ „Рустам Акрамовнинг ёрқин фаолиятини ёдга оламиз“ (фев 15, 2022). 2022-йил 1-майда асл нусхадан архивланган. Қаралди: 2022-йил 22-август.
  10. ↑ „Ўзбекистон Республикаси Президентининг“ (2022-йил 22-август). 2022-йил 24-августда асл нусхадан архивланган. Қаралди: 2022-йил 22-август.
  11. ↑ „Рустам Акрамов ОФКнинг Олтин юлдузи билан тақдирланди“ (2015-йил 27-апрелда олинди). 2022-йил 24-августда асл нусхадан архивланган. Қаралди: 2016-йил 4-мартда.

Ҳаволалар



"https://new.ziyosfera.uz/ziyo/Rustam_Akramov" dan olindi