Rustam Aslanov
| Рустам Асланов |
|---|
Асланов Рустам Мамедович (1937-йилда Туркманистоннинг Чоржуй шаҳрида туғилган — 2009-йилда вафот этган) — шарқшунос, тарихчи, хитойшунос, тарих фанлари номзоди, доцент. ТошДУ шарқ факултетининг 1962-йил битирувчиси. Ўзбекистон радиоси собиқ бош муҳаррири (1967—1969)[1].
Фаолияти
Пекин университетида стажёр (1962—1963), ТошДУ шарқ факултети хитой тили ўқитувчиси ва декан муовини (1963—1967), Нанзан университетида (Сингапур Республикаси) стажёр (1968—1969); Партия Марказий Комитети қошидаги Ижтимоий фанлар академияси аспиранти (1969—1972; Москва); Ўзбекистон Давлат телерадио комитетида хорижий мамлакатлар учун эшиттириш дастурининг директори (1972—1976); 1976-йилдан Россия ФА Узоқ Шарқ институтида катта илмий ходим [орада Хитой университетига илмий сафар (1988 — 1989)], директор муовини (1989), вафотига қадар етакчи илмий ходим ва Хитой сиёсий ва тарихий тадқиқотлари Маркази бошлиғи (2009).
Илмий йўналиши
Хитой компартияси тарихи. Хитой компартияси тарихи ва унинг бошқа халқаро ташкилотлар билан муносабатлари. 40 дан ортиқ илмий ишлар муаллифи. Бир қанча халқаро илмий конференсиялар иштирокчиси. Россия Узоқ Шарқ институтида муттасил ўтказиб келинадиган „Хитой, хитой сивилизацияси ва дунё. Тарих, ҳозирги замон, истиқбол“ мавзуидаги илмий конференсия доимий ташкилий қўмитасининг раиси бўлган. РАЕНнинг мухбир аъзоси.[2]
Асосий илмий ишлари:
- Номз. дисс. мавзуси: „Некоториэ идейно-политические консепсии маоизма и их влияние на коммунистические движения в Юго-Восточной Азии“. — М., 1972.
- Китай на пути модернизации и реформ: Тез. докл. — М., 1991.
- Как управляеця Китай — М., 2001. — в соавт.
- Коммунистическая партия Китая: история и современниэ проблеми. — М., 2001. -в соавт.
- Политическая система Китайской Народной Республики (структура основних институтов власти). — М., 1996. — в соавт.
- Китай — Земля небесного дракона [Книга-албом], Шонесси Эдвард. — Л. 2001.[2]
Манбалар
- ↑ Ўзбекистон шарқшунослари библиографияси
- ↑ 2,0 2,1 Ўзбекистон шарқшунослари библиографияси 2021, с. 227—229.
Адабиётлар
- Ўзбекистон шарқшунослари библиографияси, Тошкент, 2021 — 227—229-бет.