Rustam Pardayev

Рустам Пардаев (1979-йил 7-апрелда туғилган, Қизириқ тумани, Сурхондарё вилояти, Ўзбекистон ССР) — ўзбек давлат арбоби, молия ва иқтисодиёт мутахассиси. 2022-йил 1-февралдан Қизириқ тумани ҳокими лавозимида фаолият юритиб келмоқда. 2020—2022-йилларда Денов тумани ҳокими бўлган.

Рустам Пардаев
Сурхондарё вилояти Қизириқ тумани ҳокими
Аввалгиси	Илҳом Юсупов
Шахсий маълумотлари
Таваллуди	Қизириқ тумани, Сурхондарё вилояти, Ўзбекистон ССР
Фуқаролиги	Ўзбекистон
Миллати	Ўзбек
Касби	Иқтисодчи, давлат арбоби

Таржимаи ҳоли

Рустам Пардаев 1979-йил 7-апрелда Сурхондарё вилоятининг Қизириқ туманида туғилган. 2006-йилда Тошкент давлат иқтисодиёт университетини тамомлаган. Маълумоти бўйича мутахассислиги — иқтисодчи.

Меҳнат фаолияти

Рустам Пардаев ўзининг меҳнат фаолияти давомида молия-банк тизими ҳамда давлат бошқарувида қатор раҳбарлик лавозимларида ишлаган:

• АТ „Микрокредитбанк“ Жарқўрғон тумани филиали бошқарувчиси;
• АТ „Микрокредитбанк“ Сурхондарё вилояти филиали бошқарувчиси;
• Сурхондарё вилояти Иқтисодиёт ва ҳудудларни комплекс ривожлантириш бош бошқармаси бошлиғи;
• Сурхондарё вилояти Инвестициялар бош бошқармаси бошлиғи;
• Сурхондарё вилояти Инвестициялар ва ташқи савдо бошқармаси бошлиғи;
• Сурхондарё вилояти ҳокимининг молия-иқтисодиёт ва тадбиркорлик масалалари бўйича биринчи ўринбосари;
• 2020-йилдан 2022-йил январигача — Сурхондарё вилояти Денов тумани ҳокими;
• 2022-йил 1-феврал куни Халқ депутатлари Қизириқ тумани кенгашининг навбатдан ташқари 44-сессияси қарорига кўра, Илҳом Юсупов ўрнига Қизириқ тумани ҳокими этиб тайинланди.