Rustam Xusnutdinov
- Википедияда исми Рустам ва фамилияси Хуснутдинов бўлган бошқа кишилар ҳақида ҳам мақолалар мавжуд.
Рустам Сахибутдинович Хуснутдинов (1975-йил 14-ноябрда туғилган) — ўзбеккистонлик енгил атлетикачиси, узунликка ва уч ҳатлаб сакраш бўйича мутахассис. У 1994—2005-йилларда профессионал даражада иштирок этган, Душанбе шаҳрида ўтказилган Марказий Осиё ўйинлари чемпиони, ўсмирлар ўртасидаги Осиё чемпионати кумуш медали совриндори, мамлакат чемпионатларининг кўп карра ғолиби ва совриндори, Сиднейдаги ёзги Олимпия ўйинлари иштирокчиси.
| Рустам Сахибутдинович Хуснутдинов | |
|---|---|
| Шахсий маълумотлари | |
| Жинси | Эркак |
| Фуқаролиги |
 Ўзбекистон |
| Таваллуд санаси | 1975-йил 14-ноябр |
| Спорт | |
| Қайси спорт | енгил атлетикачи |
| Спорт мукофотлари | ||
|---|---|---|
| Марказий Осиё ўйинлари | ||
| Олтин | Душанбе 2003 | узунликка сакраш |
| Кумуш | Душанбе 2003 | уч ҳатлаб сакраш |
Таржимаи ҳол
Рустам Хуснутдинов 1975-йил 14-ноябрда дунёга келади.
У илк бор 1994-йилги мавсумда Ўзбекистон терма жамоаси сафига келиб, Жакартада ўсмирлар ўртасидаги Осиё чемпионатида иштирок этиб, уч ҳатлаб сакраш бўйича кумуш медални қўлга киритганида ўзини халқаро миқёсда танитади.
1997-йилнинг сентябр ойида Тошкентдаги мусобақада уч ҳатлаб сакрашда 16,47 метр натижа кўрсатиб, шахсий рекордини ўрнатади.
2000-йили Тошкентдаги Ўзбекистон чемпионатида узунликка сакраш бўйича шахсий рекорди 7,95 метрни қайд қилади. Ушбу ғалаба туфайли у Сиднейдаги ёзги Олимпия ўйинларида мамлакат шарафини ҳимоя қилиш ҳуқуқига эга бўлди - дастлабки саралаш босқичида у 7,24 метрга сакради, аммо бу мусобақанинг финал босқичига чиқиш учун етарли бўлмади[1].
2002-йили Тошкентда ўтказилган Ўзбекистон кубогида узунликка сакрашда олтин ва уч ҳатлаб сакрашда кумуш медалга сазовор бўлади. У узунликка сакрашда Олмаотадаги Косанов ёдгорлиги бўйича кумуш медални қўлга киритади. У Коломбодаги Осиё чемпионатида иштирок этиб, худди шу йўналиш бўйича кучли ўнталикни якунлайди.
2003-йили Москва очиқ чемпионатида бешинчи натижани кўрсатиб, узунликка ва уч ҳатлаб сакраш бўйича Ўзбекистон чемпиони бўлади. Душанбе шаҳридаги Марказий Осиё ўйинларида узунликка сакрашда олтин, уч ҳатлаб сакрашда кумуш медални олишга муваффақ бўлади.
2005-йилнинг март ойида Ўзбекистон қишки чемпионатида уч ҳатлаб сакрашда бронза медалини қўлга киритиб, ёпиқ иншоотларда 14,87 метр натижа қайд этиб, шахсий рекордини ўрнатади. Мавсум сўнггида у спорт фаолиятини тўхтатади[2].
Манбалар
- ↑ Рустам Саҳибутдинович Хуснутдинов - Олймпедиа.орг сайтидаги Олимпия статистикаси
- ↑ Рустам Хуснутдинов - ИААФ веб-сайтидаги профил (инглизча)