Rustam posho karvonsaroyi (Adirna)

Rustam posho karvonsaroyi (turkcha: Rüstem Paşa Kervansarayı) — Turkiyaning shimoli-gʻarbidagi Adirna shahrida joylashgan karvonsaroy. Usmoniylar davlat arbobi va buyuk vazir Rustam posho topshirigʻiga binoan saroy meʼmori Xoʻja Sinon tomonidan 1561-yilda qurilgan^[1]. Bugungi kunda binodan 110 xonali mehmonxona sifatida foydalaniladi, ichki qismi 2016–2018-yillarda qayta taʼmirlangan^[2].

Bu ikki qavatli, toʻgʻri toʻrtburchak shaklidagi inshoot hovli va hammomdan iborat. Uning old qismida 21 ta doʻkon joylashgan. Hovlisida ilgari quduq va namozxona boʻlgan, biroq ular 1877–1878-yillardagi rus-turk urushi davrida vayron qilingan. Asrlar davomida bu savdo hududida Adirna atrofida boqilgan ipak qurti kapalaklarining pillalarini sotish uchun xizmat qilgan.

Bino 1972-yilda restavratsiya qilingan va mehmonxonaga aylantirilgan. Meʼmor Ertan Cakirlar boshchiligida olib borilgan restavratsiya ishlari meʼmorchilik boʻyicha taqdim etiladigan Ogʻaxon mukofotiga sazovor boʻlgan dastlabki loyihalar qatorida boʻlgan^[3].

Manbalar

↑ Akçil, N. Çiçek. „Rüstem Paşa Kervansarayı“ (tr). Türkiye Diyanet Vakfı İslam Ansiklopedisi. 2019-yil 9-iyunda asl nusxadan arxivlangan. Qaraldi: 2019-yil 9-iyun.
↑ Zeray, Ali Can.. „Tarihi kervansaray, 110 odalı otel olarak hizmet verecek“ (tr) (2018-yil 22-oktyabr). 2022-yil 2-iyunda asl nusxadan arxivlangan. Qaraldi: 2019-yil 10-iyun.
↑ „Rüstem Pasa Caravanserai“. akdn.org. Aga Khan Development Network.

[ia-1] Akçil, N. Çiçek. „Rüstem Paşa Kervansarayı“ (tr). Türkiye Diyanet Vakfı İslam Ansiklopedisi. 2019-yil 9-iyunda asl nusxadan arxivlangan. Qaraldi: 2019-yil 9-iyun.

[h1-2] Zeray, Ali Can.. „Tarihi kervansaray, 110 odalı otel olarak hizmet verecek“ (tr) (2018-yil 22-oktyabr). 2022-yil 2-iyunda asl nusxadan arxivlangan. Qaraldi: 2019-yil 10-iyun.

[akdn-3] „Rüstem Pasa Caravanserai“. akdn.org. Aga Khan Development Network.

[1]

[2]

[3]