SOCAR Tower
| SOCAR Tower | |
|---|---|
.jpg) | |
| Umumiy maʼlumot | |
| Turi | Bosh qarorgoh |
| Qurilishi boshlangan | 2010 |
| Qurilishi tugagan | 2016 |
| Narxi | 406.5 million AQSH dollari[1] |
| Egasi | SOCAR |
| Balandligi | |
| Balandligi | 209 m (686 ft) |
| Texnik holati | |
| Qavatlar soni | 42 (2 yer osti + 38 yer usti turar joy + 2 yer usti chodir) |
| Binoning ichki maydoni | 100,000 m2 (1,100,000 kv ft) |
| Dizayn va konstruksiya | |
| Meʼmor | Heerim Architects & Planners Co. Ltd. |
| Quruvchi | Tekfen Construction and Installation |
SOCAR Tower — Ozarbayjonning Boku shahridagi osmono‘par bino. U Boku va Ozarbayjondagi 3-eng baland binodir. Osmono‘par bino SOCAR (Ozarbayjon Respublikasi Davlat neft kompaniyasi) bosh qarorgohi bo‘lib xizmat qiladi. U Olov minoralari bilan bir qatorda Bokuning asosiy diqqatga sazovor joylaridan biri hisoblanadi.
Qurilish 2010-yilda boshlangan[2] va 2016-yilda yakunlangan. U Port Baku Towers tomonidan ortda qoldirilgunga qadar Bokudagi eng baland bino bo‘lgan.
Dizayn
Janubiy Koreyaning Heerim Architects kompaniyasi tomonidan loyihalashtirilgan bino struktural expressionizmning namunasidir.[3] Skyscraper.com saytiga ko‘ra, bino ko‘kka ko‘tarilgani sari bir-birini o‘rab turgan ikkita minoraga o‘xshaydi: "pastroq ko‘ringan minora go‘yo boshini balandroq minora ko‘kragiga qo‘yib turgandek ko‘rinadi. Baland minora esa o‘ziga ishongan va tasalli beruvchi tarzda uning ustiga biroz egilgan".[4] Minoraning balandligi 209 m (686 ft), 42 qavatdan iborat bo‘lib, 12,000 m2 (130,000 kv ft) maydonni egallaydi va 100,000 m2 (1,100,000 kv ft) foydalanish maydonini ta’minlaydi. Bosh qarorgoh asosan ofis maydonlaridan iborat, shuningdek, konferensiya va sport zallari, mehmon uyi, savdo nuqtalari va ovqatlanish joylarini ham o‘z ichiga oladi.
Binoning dizayni temir-beton devorli po‘lat konstruksiya (Permasteelisa Group tomonidan ishlab chiqarilgan) kompozit tizimiga asoslangan. Bino 190 km/soat (120 mil/soat) tezlikdagi shamolga va Rixter shkalasi bo‘yicha to‘qqiz balli zilzilaga bardosh beradigan tarzda loyihalashtirilgan.[2]
Janubiy Koreyaning Heerim Architects & Planners Co. Ltd kompaniyasi tomonidan "shamol va olov" konsepsiyasi asosida loyihalashtirilgan bino Turkiyaning Tekfen Construction and Installation kompaniyasi tomonidan qurilgan.[4][2]
Galereya
-
Ozarbayjon markasida SOCAR Tower tasviri -
2013-yil 12-yanvardagi qurilish jarayoni; 1-ko'rinish -
2013-yil 12-yanvardagi qurilish jarayoni; 2-ko'rinish -
2013-yil avgust: Binoning 37-qavati qurilishi -
2013-yil 23-fevral: Beton o'zagining 19-qavati qurilishi -
Temir yo'l maydonidan ko'rinishi (o'ngda)
Manbalar
- ↑ „Azerbaycan devlet petrol şirketi genel merkez inşaati (SOCAR tower) projesi“ [Azerbaijan state oil company headquarters building (SOCAR tower) project] (Turkish). www.tekfeninsaat.com.tr. 2014-yil 17-oktyabrda asl nusxadan arxivlangan. Qaraldi: 2017-yil 7-oktyabr.
- ↑ 2,0 2,1 2,2 „Ilham Aliyev attends ground breaking ceremony of SOCAR’s new building“. www.news.az (2010-yil 12-oktyabr). 2019-yil 23-martda asl nusxadan arxivlangan. Qaraldi: 2017-yil 7-oktyabr.
- ↑ „SOCAR Tower, Baku - SkyscraperPage.com“. skyscraperpage.com. Qaraldi: 2017-yil 8-oktyabr.
- ↑ 4,0 4,1 „Tekfen Construction to build SOCAR’s new headquarter“. www.tekfen.com.tr (2010-yil 1-iyun). Qaraldi: 2017-yil 7-oktyabr.
 |
Vikiomborda „SOCAR Tower“ mavzusi boʻyicha mediafayllar bor. |
Havolalar
Binoning bevosita egasi boʻlgan kompaniyaning rasmiy sahifasi.
Binoni amalda qurib bitkazgan Turkiya kompaniyasining loyiha hisoboti.