Saara Aalto
Saara Sofia Aalto (1987-yil 2-mayda tugʻilgan)[1] — finlandiyalik qoʻshiqchi, bastakor va dublyaj aktrisasi.
| Saara Aalto | |
|---|---|
_20180508_EuroVisionary_(cropped).jpg) Aalto Eurovision qo‘shiq tanlovi 2018da | |
| Tavalludi |
Saara Sofia Aalto 1987-yil 2-may |
| Kasbi |
|
| Faoliyat yillari | 1998-yildan hozirgacha |
| Turmush oʻrtogʻi |
Meri Sopanen (turm. 2020) |
| Veb-sayti | saaraaalto.com |
Saara 2012-yilda The Voice of Finlandning birinchi mavsumida ikkinchi oʻrinni egallagan.
2016-yilda Aalto The X Factor UK tanlovining oʻn uchinchi mavsumida finalgacha yetib borib, ikkinchi oʻrinni qoʻlga kiritdi. Mazkur natija unga xalqaro miqyosda katta shuhrat keltirdi.
2018-yilda Aalto Eurovision qo‘shiq tanlovi 2018 tanlovida Finlyandiya nomidan ishtirok etdi. U final bosqichiga yoʻllanma olib, yakunda 25-oʻrinni egalladi. Shu yilning oʻzida u X Factor Suomi dasturida hakam sifatida faoliyat boshladi. 2019-yilda esa Dancing on Ice shousida qatnashib, uchinchi o'rin bilan shohsupadan o'z o'rnini egalladi.
Dastlabki hayoti
Saara Aalto Finlyandiyaning Oulunsalo shahrida tugʻilgan. Qoʻshiqchimiz musiqasevar oilada voyaga yetgan. Asli Odessa shahrida tugʻilgan pianist va pedagog Olga Maslakdan fortepiano saboqlarini olgan[2][3].
Aalto oʻzining ilk qoʻshigʻini besh yoshida yozgan. Uning bobosi rassom va hujjatli filmlar rejissyori Eeli Aalto, amakisi esa taniqli illyuzionist Simo Aalto.
1998-yilda, 11 yoshli Aalto Kotka dengiz festivali doirasida oʻtkazilgan bolalar qoʻshiq tanlovida oʻzi yaratgan kompozitsiya bilan gʻolib boʻldi. 2003-yilda esa AQShda tashkil etilgan Charlotte Church nomidagi xalqaro qoʻshiq tanlovida ham oʻzining mualliflik asari bilan birinchi oʻrinni qoʻlga kiritdi[4][5][6].
2004-yilda Aalto Finlyandiya vakili sifatida Ruminiyada oʻtkazilgan Golden Stag Festivalida ishtirok etdi.
Shundan soʻng musiqaga ixtisoslashgan Madetoja oʻrta maktabida tahsil olib, 2005-yilda tamomladi. Maktabni bitirgach, musiqa taʼlimini davom ettirish maqsadida Helsinki shahriga koʻchib oʻtdi. U yerda Sibelius Yan nomidagi Sibelius akademiyasida musiqa yoʻnalishida tahsil oldi hamda shu bilan bir vaqtda Helsinki Pop & Jazz konservatoriyasida vokal sanʼatini oʻrgandi[7].
Manbalar
- ↑ Saukkola, Mirva „Saara Aalto hoitaa kauneuttaan myös ruokavaliolla: "Vältän vehnää ja sokeria"“ (fi). Anna.fi (2018). 2022-yil 18-martda asl nusxadan arxivlangan. Qaraldi: 2018-yil 29-aprel.
- ↑ Juha Sutela. „Unohtumaton ilta Olgan kunniaksi“. kaleva.fi (2002-yil 14-oktyabr). 2017-yil 9-noyabrda asl nusxadan arxivlangan. Qaraldi: 2017-yil 8-mart.
- ↑ Kimmo Pihlajamaa, Yrjö Mikkonen and Sari Hourula. „Oulun musiikkielämän grand old lady“. kaleva.fi. 2017-yil 9-martda asl nusxadan arxivlangan. Qaraldi: 2017-yil 8-mart.
- ↑ Saara Aalto. „I wanted to learn to sing like Charlotte Church“. facebook (2016-yil 8-mart). 2018-yil 21-yanvarda asl nusxadan arxivlangan. Qaraldi: 2017-yil 12-mart.
- ↑ Josh Darvill. „X Factor 2016: Saara Aalto and Charlotte Church share a surprise connection“. TellyMix (2016-yil 9-dekabr). 2017-yil 19-dekabrda asl nusxadan arxivlangan. Qaraldi: 2017-yil 8-mart.
- ↑ Satu Koho. „Mitä mietti maailmanvalloittaja Saara-Aalto uransa alussa? Forum24 haastatteli laulajaa keväällä 2008.“. forum24.fi (2008-yil 8-may). 2017-yil 9-martda asl nusxadan arxivlangan. Qaraldi: 2017-yil 8-mart.
- ↑ „Bio | Saara Aalto“. 2013-yil 3-oktyabrda asl nusxadan arxivlangan. Qaraldi: 2013-yil 3-oktyabr.