Sea Breeze Uzbekistan sahifasining manbasini koʻrish

'''Sea Breeze Uzbekistan''' – [[Toshkent viloyati|Toshkent viloyatining]] [[Chorboq suv ombori]] sohilida qurilayotgan barcha mavsumga moʻljallangan kurort majmuasi<ref>{{veb manbasi |title=Chorvoq bo‘yida kurort shaharcha qurishmoqchi. Bu – O‘zbekiston tabiatiga xavfmi? |url=https://kun.uz/39562264 |website=kun.uz |accessdate=30-oktabr 2025-yil}}</ref>.

Loyiha 2024-yil 16-dekabrda taqdim etildi. Oʻsha kuni [[Emin Agalarov]] [[Oʻzbekiston Respublikasi Prezidenti]] [[Shavkat Mirziyoyev]] bilan uchrashuv oʻtkazib, kurortning asosiy gʻoyasini taqdim etdi. Unda Chorvoq qirgʻoq hududidan foydalanish, Oʻzbekistonning ichki turizmiga ustuvorlik berib, mehmonxona va turar-joy infratuzilmasini barpo etish rejalari koʻzda tutilgan edi<ref>{{veb manbasi |title=Эмин Агаларов Чорвоқ бўйида Sea Breeze Uzbekistan туристик марказини қурмоқчи |url=https://kun.uz/kr/news/2024/12/16/chorvoq-suv-ombori-boyida-xalqaro-turizm-markazi-quriladi |website=kun.uz |accessdate=30-oktabr 2025-yil}}</ref>.

2025-yil 14-aprelda Oʻzbekiston Prezidenti oldida ikkinchi taqdimot oʻtkazilib, unda yanada batafsil bosh reja taqdim etildi. Bosh rejada quyidagi mavzuli hududlar koʻrsatildi: mehmonxona, sogʻlomlashtirish, sport-dam olish, turar-joy mavzesi va infratuzilma klasteri. Qurilishning birinchi bosqichi taxminan 2028-yilgacha moʻljallangan<ref>{{veb manbasi |title=Мастер-план турцентра Sea Breeze Uzbekistan представили президенту |url=https://www.gazeta.uz/ru/2025/04/14/sea-breeze/ |website=gazeta.uz |accessdate=7-noyabr 2025-yil}}</ref>.

2025-yil 10-iyunda Toshkent xalqaro investitsiya forumi doirasida Agalarov Development kompaniyasi va [[Oʻzbekiston Respublikasi investitsiyalar va tashqi savdo vazirligi|Oʻzbekiston Respublikasi Investitsiyalar, sanoat va savdo vazirligi]] oʻrtasida oʻzaro niyatlar memorandumi imzolandi. Ushbu hujjatda tomonlar asosiy kelishilgan koʻrsatkichlarni belgilab oldilar: loyiha hududini, qurilish bosqichlarini, mahalliy aholini ish bilan taʼminlash va infratuzilmani rivojlantirish boʻyicha choralarni qayd etdilar<ref>{{veb manbasi |title=В строительство курорта Sea Breeze в Ташобласти инвестируют пять миллиардов долларов|url=https://nova24.uz/uzbekistan/v-stroitelstvo-kurorta-sea-breeze-investirujut-5-milliardov-dollarov/ |website=nova24.uz |accessdate=17-noyabr 2025-yil}}</ref>.
[[Fayl:Sea Breeze Uzbekistan.jpg|thumb|282x282px|Kompleks loyihasi]]
2025-yil 3-iyul kuni [[Shavkat Mirziyoyev]] [[Boku]]ga ish tashrifi doirasida [[Ozarbayjon prezidenti]] [[Ilhom Aliyev]] va Emin Agalarov hamrohligida „Sea Breeze Uzbekistan“ loyihasining yangilangan konsepsiyasi bilan tanishib chiqdi<ref>{{veb manbasi |title=Фото: Президент Узбекистана ознакомился с курортом Sea Breeze|url=https://www.gazeta.uz/ru/2025/07/03/sea-breeze/ |website=gazeta.uz |accessdate=17-noyabr 2025-yil}}</ref>.

2025-yil 1-avgustda [[Oʻzbekiston Respublikasi Vazirlar Mahkamasi]] quyidagilarni belgilovchi qaror qabul qildi: Boʻstonliq tumanidagi 577 gektarlik yer maydonini 25 yil muddatga ijaraga berish; qatʼiy ekologik talablar – Chorvoq suv havzasiga oqova suvlarni tashlashni taqiqlash, Chirchiq shahridagi tozalash inshootlariga majburiy ulanish<ref>{{veb manbasi |title=МИПТ ответило на некоторые вопросы о проекте Sea Breeze на Чарваке|url=https://www.gazeta.uz/ru/2025/08/06/sea-breeze-uzbekistan/ |website=gazeta.uz |accessdate=17-noyabr 2025-yil}}</ref>, ishlar boshlanishidan oldin kompleks ekologik ekspertizadan oʻtkazish; loyihaning amalga oshirilishini koʻp bosqichli nazorat qilish<ref>{{veb manbasi |title=490-сон 01.08.2025. «Sea breeze Uzbekistan» умуммавсумий курорт мажмуасини барпо этиш бўйича йирик инвестиция лойиҳасини амалга ошириш чора-тадбирлари тўғрисида|url=https://lex.uz/uz/docs/7661949 |website=lex.uz |accessdate=17-noyabr 2025-yil}}</ref>.

2025-yilning iyun-iyul oylarida ijtimoiy tarmoqlarda loyiha boʻyicha muhokamalar avj oldi: blogerlar, ekologlar va mahalliy aholi qurilishning Chorvoq tabiiy muhitiga koʻrsatadigan taʼsiri haqida tashvishlarini izhor etishdi. 2025-yil 8-10-iyul kunlari Oʻzbekistonlik jurnalistlar uchun Sea Breeze majmuasiga matbuot-turi tashkil etildi. Unda Agalarov Development kompaniyasi muhandislik va meʼmorchilik yechimlarini namoyish etdi: oqova suvlarni tozalash tizimlari, qirgʻoq boʻyi obodonlashtirish ishlari, landshaft arxitekturasi. Ushbu tadbir ishtirokchilarga mazkur yechimlarning Chorvoq hududida qoʻllanilishi boʻyicha oʻz koʻzlari bilan koʻrish va savollar berish imkoniyatini yaratdi<ref>{{veb manbasi |title=Каким будет Sea Breeze на Чарваке. В Баку журналистам из Узбекистана презентовали проект будущего курорта|url=https://repost.uz/sea-breeze-na-charvake |website=repost.uz |accessdate=17-noyabr 2025-yil}}</ref>.

2025-yil noyabr holatiga koʻra, Sea Breeze Uzbekistan loyihasi qurilishga tayyorgarlik bosqichida turibdi: shaharsozlik hujjatlarini tasdiqlash yakunlanmoqda, dastlabki ekologik ekspertizalar oʻtkazilmoqda, infratuzilmaviy ulanishlar boʻyicha ishlar amalga oshirilmoqda. Sea Breeze Uzbekistan kompaniyasi viloyat hokimiyati, mutaxassislar va mahalliy aholi bilan hamkorlikni davom ettirmoqda, shuningdek, axborot sessiyalari va maslahatlashuvlar oʻtkazib kelmoqda.

== Manbalar ==
{{manbalar}}
[[Turkum:Oʻzbekiston kurortlari]]