Shamxor jangi (1195)

Шамкор жанги — 1195-йил 1-июнда Арраннинг Шамкор шаҳри яқинида бўлиб ўтган. Бу жанг Довуд Сослан бошчилигидаги Грузия армияси томонидан Элдегизийлар ҳукмдори Абу Бакр устидан қозонилган йирик ғалабаси эди.

Шамкор жанги
Грузия-Салжуқ урушларининг бир қисми
Саналар 1195-йил 1-июн Уруш ери Шемкир, Озарбайжон Натижа Грузия қироллигининг ғалабаси Ҳудудий ўзгаришлар Тбилиси, Кавказортининг катта қисми, Онадўли ва Арманистонни озод қилиш
Рақиблар
Грузия қироллиги	Элдегизийлар
Қўмондонлар
Давид Сослан	Абу Бакр
Кучлар
Номаълум	Жуда катта
Йўқотишлар
Кам йўқотиш	Оғир йўқотиш

Жангдан олдин

Жангнинг келиб чиқиши Элдегизийлар ичидаги сулолалараро фуқаролар уруши (1191-1195) вақтига тўғри келган. Ҳокимият учун курашда ғалаба қозонган Абу Бакр (1195-1210) укаси Кутлук Инанчни ўлдирган ва яна бир ўз укаси Амир Михранни Ширваншоҳ ҳукмдори Ахситан И (1160-1196) саройида асирга олишга мажбур қилган. Ахситан ва Амир Михран Грузия қироллигининг пойтахти Тбилисига йўл олишган ва Ширвоннинг нажоткори сифатида танилган қиролича Тамарадан ёрдам сўрашган. Грузия саройида уларни кутиб олишган ва керакли ёрдамни беришган. Давид Сослан бошчилигидаги Грузия армияси Ширвон томон ҳаракатни бошлаган.

Жанг

Абу Бакрни вассал мусулмон амирларининг кучлари қўллаб-қувватладилар ва 1195-йил 1-июн кунида у яхши ҳимояланган Шамкор шаҳрида Грузия қўшини қарши курашни бошлади. Давид Сослан шаҳар дарвозаларини бузиб ўтиш учун нисбатан кичик қўшин юбораётган вақтида Грузиянинг асосий катта қўшинига душман орқасидан тўпланишни буюрган. Бироқ, ёмон йўллар ва қийин география грузинларни секинлашишга мажбур этди ва Абу Бакр бир мунча вақт шаҳарни ҳимоя қилишни давом эттирди. Шунга қарамай, Давид Сосланнинг ҳаракатлари уруш давомида ҳал қилувчи аҳамиятга эга эди ва Абу Бакр қўшини бир неча бор мағлубиятга учради. Шамкор шаҳри қамал қилинди ва охир-оқибат Шамкор грузинлар томонидан қўлга киритилди. Грузинлар кейинчалик яна Грузия томонидан эгалланадиган Ганжа шаҳрига душмани қувиб юборишган.

Жангдан кейин

Грузинлар жуда кўп миқдордаги ўлжа ва асирларни қўлга киритдилар, шу жумладан халифа байроғи ҳам эгалланган ва кейинчалик уни Хаҳули монастирига қиролича Тамара ҳадя қилган. Шамкорни қўлга киритгандан сўнг, Давид Сослан Ганжа томон ҳаракатланади ва шаҳарга етиб боргач, зиёлиларлар, савдогарлар, қозилар ва олимлар уни кутиб олишади. Улар шаҳар дарвозаларини очиб, Султоннинг саройи эшигига тилла нақшли гилам қўйганлар. Давид саройга кириб, Султон тахтига ўтирди ва мажлисни чақирди, сўнгра ушбу бахтли кунга тайёрланган фестивалда қатнашди. Шамкор ва унинг атрофидаги ерлар Ширвоншоҳ Амир Михраннинг вассал мақомига қайтди. Абу Бакр укаси Амир Михронни заҳарлаганидан кейин ўз пойтахтига қайтишга муваффақ бўлди.