Shamsiddin Ali ibn Qutbiddin sahifasining manbasini koʻrish

'''Shamsiddin Ali''' (taxminan 1387-yilda tugʻilgan; 1438 yoki 1439-yilda vafot etgan)<ref>Bosworth, p. 429</ref> — 1419-yildan vafotigacha [[Seyiston]]ning [[Mihraboniylar]] sulolasidan boʻlgan [[Malik|malik]]i. U [[Qutbiddin Muhammad]]ning oʻgʻli edi.

== Hayoti ==

Otasi hayotligida Shamsiddin Ali [[Temuriylar]] hukmdori [[Shohrux Mirzo|Shohrux]] xizmatiga harbiy qoʻmondon sifatida kirgan. 1414–15-yillarda u Mihraboniylar qoʻshiniga boshchilik qilib, [[Fors]]dagi isyonni bostirishda Shohrux kuchlariga yordam berdi<ref>Bosworth, p. 457</ref>. U vatanda ham faol boʻlib, Seyistonning shimolida Mihraboniylar hokimiyatiga qarshi koʻtarilgan qoʻzgʻolonni bostirdi.

Qutbiddin 1419-yil fevralida vafot etgach, Mihraboniylar va Seyiston amirlari Shamsiddinni uning vorisi deb eʼlon qilishga qaror qildilar. Shamsiddin Shohrux saroyiga borib, Seyiston Maliki sifatida tasdiqlandi. 1420-yilda temuriylar uni [[Qora qoʻyunlilar davlati|Qora qo`yunli]] turkmanlariga qarshi yurishda yordam berish uchun chaqirdilar. Shohrux turkmanlar yetakchisi [[Qora Iskandar]] qoʻshinini magʻlub etib, 1421-yilda [[Eron Ozarbayjoni|Ozarbayjon]] va [[Armaniston]]ni egalladi<ref>Roemer, p. 102</ref>. Shamsiddin [[Tabriz]] hokimi etib tayinlandi va bu lavozimni ikki yil egalladi<ref>Bosworth, p. 458</ref>.

Seyistonga qaytgach, Shamsiddin Qutbiddin hukmronligi davrida Shohruxning viloyatga bostirib kirishi oqibatida yetgan zararlarni tiklash uchun jadal ish olib bordi. Sugʻorish kanallarini qurishdan tashqari, u 1422-yil oxirida poytaxti boʻlishi moʻljallangan yangi shahar qurilishini boshladi. Shamsiddin bu loyiha ustida bir necha yil ishladi; shu jarayonda u Shohruxning 1434-yilda Qora Qoyunluga qarshi yurishida ham qatnashdi va ikki yildan soʻng shahar qurilishida yordam berish uchun Tabrizdan quruvchilar, gʻisht teruvchilar va oʻymakorlarni olib qaytdi<ref>Bosworth, p. 459. The name of this city was B.r.k. or Mirak.</ref>. Shu bilan bir paytda Shamsiddinning ukasi Shoh Jalol ad-Din maktablar, xayriya muassasalari va diniy institutlar tashkil etgani bilan tanildi; bu esa Seyistonga bir qator mashhur olimlarni jalb qildi.

Shamsiddin 1438 yoki 1439-yilda vafot etdi va uning oʻrniga oʻgʻli [[Nizomiddin Yahyo]] taxtga oʻtirdi.

==Izohlar==
{{Manbalar}}

==Manbalar==
*Bosworth, C.E. ''The History of the Saffarids of Sistan and the Maliks of Nimruz (247/861 to 949/1542-3)''. Costa Mesa, California: Mazda Publishers, 1994.
*Roemer, H. R. "The Successors of Timur." ''The Cambridge History of Iran Volume 6: The Timurid and Safavid Periods.'' Edited by Peter Jackson. New York: Cambridge University Press, 1986. {{ISBN|0-521-20094-6}}

{{Start box}}
{{S-bef| before=[[Qutbiddin Muhammad]]}}
{{S-ttl| title=[[Mihraboniylar]] maliki| years=1419–1438/9}}
{{S-aft| after=[[Nizomiddin Yahyo]]}}
{{S-end}}

[[Turkum:Mihraboniylar]]
[[Turkum:1380-yillarda tugʻilganlar]]
[[Turkum:1430-yillarda vafot etganlar]]
[[Turkum:Tugʻilgan yili noaniq]]
[[Turkum:Vafot etgan yili noaniq]]
[[Turkum:14-asr Eron kishilari]]
[[Turkum:15-asr Eron kishilari]]