Shaqe Çoba sahifasining manbasini koʻrish

{{Shaxsiyat bilgiqutisi
| name          = Shaqe Çoba
| tavallud_sanasi    = 1875
| tavallud_joyi   = [[Shkoder (shahar)|Shkoder]], Skutari sanjagi, [[Usmoniylar davlati|Usmoniylar imperiyasi]]
| vafot_sanasi    = 1954
| kasi    = [[Feminizm|feminist]] va [[Sufrajist ayol|sufrajist]]
| turmush_oʻrtogʻi        = Ndoc Çoba
| mukofotlari        = Naim Frashëri ordeni
}}
'''Shaqe Çoba''', qizlik familiyasi '''Shiroka''', (1875-yilda tugʻilgan — 1954-yilda vafot etgan) — albaniyalik [[Feminizm|feminist]] va [[sufrajist ayol|sufrajist]]. [[Gruaja Shqiptare|„Albaniya ayoli“]] ({{Lang-sq|Gruaja Shqiptare}}) nomli tashkilot tuzgan, ushbu tashkilot yuqori tabaqadagi ayollar uchun moʻljallangan va qisqa muddat davomida xotin-qizlar masalalarini yoritgan. Shuningdek, Shaqe Çoba ayni shu nomdagi jurnalni ham nashr ettirgan.

== Hayoti ==
Shaqe Çoba 1875-yilda [[Shkoder (shahar)|Shkoder]] shahrida dunyoga kelgan. U paytda shahar [[Usmoniylar davlati|Usmoniylar imperiyasi]] tarkibidagi Skutari sanjagiga kirgan. Çoba oʻrta taʼlimni [[Xorvatiya]]ning [[Zagreb]] shahridagi monastir maktabida olgan. Oʻsha paytda bu hudud [[Avstriya-Vengriya imperiyasi]] tarkibida edi. 1904-yilda [[Italiya]]ning [[Venetsiya]] shahriga oʻqishga ketayotgan chogʻida Çoba boʻlajak turmush oʻrtogʻi Ndoc Çoba bilan tanishgan. Keyinchalik ular oila qurishgan va bir oʻgʻil farzand koʻrishgan. Shaqe Çoba 1954-yilda vafot etgan<ref>Dibra, p. 99</ref>.

== Faoliyati ==
1920-yil 3-avgustda Shaqe Çoba Shkoderining yuqori tabaqali ayollari uchun [[Gruaja Shqiptare|„Albaniya ayoli“]] tashkilotiga asos solgan va ushbu tashkilotga uning oʻzi rahbarlik qilgan. Tashkilot shimoliy [[Albaniya]]ga [[Yugoslaviya qirolligi|yugoslav]]lar bostirib kirishiga qarshi himoyalanayotgan Albaniya Milliy Armiyasini qoʻllab-quvvatlashni maqsad qilgan edi. Tashkilot, shuningdek, ayollarning ozod boʻlishi masalalari bilan ham shugʻullangan. Bundan tashqari, Çoba ayni shu nomdagi jurnalni nashr ettirgan boʻlib, unda xayriya ishlari bilan shugʻullanuvchi kishilarning ismlari va ular tomonidan ajratilgan mablagʻ miqdorlari eʼlon qilinib, askarlar hamda ularning oilalariga taqsimlashga undash koʻzlangan edi. Jurnal 1921-yil iyul sonidan keyin yopilgan, bunga qadar esa albaniyalik ayollarning huquq va burchlari haqidagi koʻplab maqolalar chop ettirilgan<ref>Dibra, pp. 99–100</ref>.

== Merosi ==
2002-yil noyabrida Albaniya mustaqilligining toʻqson yilligi munosabati bilan Albaniya Respublikasi Prezidenti [[Alfred Moisiu]] Çobani vafotidan soʻng Naim Frashëri ordeni ({{Lang-sq|Urdhri „Naim Frashëri“}}) bilan taqdirlagan. Ushbu mukofot 1920-yillardagi mustaqillik harakatida „Albaniyaning boʻlinishiga qarshi va albaniyalik ayolning ozodligi uchun“ kurashchi sifatidagi ishtiroki uchun berilgan<ref>Dibra, p. 100</ref>.

== Manbalar ==
{{manbalar}}

== Adabiyotlar ==
* {{Kitob manbasi|last1=Dibra|first1=Zenepe|editor1-last=Haan|editor1-first=Francisca de|editor2-last=Daskalova|editor2-first=Krassimira|editor3-last=Loutfi|editor3-first=Anna|title=Biographical Dictionary of Women's Movements and Feminisms in Central, Eastern, and South Eastern Europe : 19th and 20th Centuries|date=2005|publisher=Central European University Press|location=New York|isbn=978-963-7326-39-4|chapter=Çoba, Shaqe (Marie)|url-access=registration|url=https://archive.org/details/biographicaldict0000unse_u3f7}}

{{Tashqi havolalar}}


{{DEFAULTSORT:Coba, Shaqe}}
[[Turkum:1875-yilda tugʻilganlar]]
[[Turkum:1954-yilda vafot etganlar]]
[[Turkum:Albaniyalik feministlar]]
[[Turkum:Albaniyalik ayollar huquqlari faollari]]
[[Turkum:Albaniyalik sufrajistlar]]