Charles de Gaulle

ГОЛЛ (Гаулле) Шарл де (1890.22.11, Лилл — 1970.9.11, Коломбеле Дёз-Эглиз) — Франсия Президенти (1959— 69). 1940-йил Лондонда антигитлерчилар коалициясига қўшилган. "Озод Франсия" (1942-йилдан "Курашаётган Франсия") ватанпарварлик ҳаракатига, 1941-йил эса "Франсия миллий қўмитаси"га асос солган. 1943-йил Жазоирда тузилган "Франсияни озод қилиш миллий қўмитаси"га раҳбар бўлган. 1944-йил июнда Голл бу қўмитани Франсия Республикасининг Муваққат ҳукуматига айлантирган. Франсия Муваққат ҳукумати бошлиғи (1944—1946 йил январ). Урушдан сўнг "Франсуз халқини бирлаштириш" партияси ташкилотчиси ва раҳбари. 1958-йил Франсия бош вазири. Голлнинг ташаббуси билан президент ҳуқуқини кенгайтирувчи янги конституция тайёрланган (1958). Унинг президентлиги даврида Франсия ўзининг ядровий куролини барпо этиш режаларини амалга оширган, НАТО ҳарбий ташкилотидан чиққан.

Чарлес де Гаулле