Shayxontohur tumani
Шайхонтоҳур тумани – Тошкентдаги маъмурий-ҳудудий бирлик. 1929-йил Октабр тумани номи билан тузилган. 1992-йилда Шайхонтоҳур (Шайх Хованди Тоҳур) тумани деб ўзгартирилган. 1978-йилдан ҳозирги чегарада. Шимоли-ғарбда Зангиота тумани, шимолида Олмазор тумани (собиқ Собир Раҳимов)[6], шимоли-шарқда ва шарқда Юнусобод, жанубда Чилонзор ва Яккасарой, ғарбда Учтепа тумани (собиқ Акмал Икромов)[6] туманлари билан чегарадош. Майдони 2,73 минг га, шу жумладан кўкаламзорлаштирилган майдонлар 0,832 минг га. Аҳолиси 360,5 минг киши[1] (2023). Кўчалар сони 622 та. Асосий магистраллари: Абдулла Қодирий, Навоий, Ўзбекистон, Беруний шоҳкўчалари, Фурқат, Уйғур, Самарқанд дарвоза кўчалари. Халқлар дўстлиги, Хадра, Чорсу, Оқтепа майдонлари, 48 та маҳалла бор.
Шайхонтоҳур тумани | |
|---|---|
| туман | |
_Shaykhontohur_district_(2018).png) | |
| Мамлакат | Ўзбекистон |
| Шаҳар | Тошкент |
| Ҳукумат | |
| • Ҳоким | Бобир Абубакиров[2][3][4][5] |
| Асос солинган | 1929-йил |
| Майдон | 29.70 км2 (11.47 кв ми) |
| Аҳолиси (2009) |
 360 500[1] |
Туманда 3379 га яқин корхона ва ташкилот мавжуд. 9 та саноат корхонаси, шундан „Шарқ гули“ бадиий, Тошкент тикувчилик, „Орзу“ ишлаб чиқариш бирлашмалари, Тошкент матбаа комбинати, кўнмўйна заводи ва бошқа ишлаб турибди. 3069 га яқин кичик ва ўрта бизнес субектлари қайд этилган. Шайхонтоҳур туманида 18 та вазирлик, давлат қўмиталари ва йирик идоралар, меъморлик ва шаҳарсозлик бош бошқармаси, 11 та лойиҳалаш институти, Ўзбекистон Республикаси Фанлар академиясининг Навоий номидаги адабиёт музейи, Сейсмология, Полимерлар кимёси ва физикаси, Микробиология институтлари, Wебстер университети, Тошкент кимё-технология институти, 16 та ўрта махсус ўқув юрти, 42 та умумий таълим мактаби ва бошқа муассаса, ташкилотлар бор. 10 та оилавий ва стоматология шифохонаси, 18 та поликлиника ва амбулатория, 8 та касалхона хизмат кўрсатади. Мустақиллик йилларида туман ҳудудида Ўзбекистон консерваторияси, Ислом университети, Жаҳон иқтисодиёти ва дипломатия университети қошидаги академик лицей қурилди, Ўзбек миллий академик драма театри, „Чорсу“ савдо маркази бинолари ҳамда Эски жўва бозори қайта таъмирланди.
Энг йирик гузарлари: „Гулзор“, „Ипакчи“, „Кўкча“, „Исломобод“. Туманда „Янги Камолон“, „Ҳувайдо“, „Боғкўча“, „Чўпонота“, „Ипакчи“ маҳаллаларида катта спорт майдонлари мавжуд. 562 озиқ-овқат, 346 саноат моллари дўконлари, 174 маиший хизмат кўрсатиш шохобчалари, „Чорсу“ савдо маркази туман аҳолисига хизмат кўрсатади.
Ўзбек миллий академик драма театри, Аброр Ҳидоятов номидаги Ўзбек давлат драма театри, Сатира театри, Рус ёш томошабинлар театри, сирк, „Санъат саройи“, „Ўзкўргазмасавдо“ саройи, 9 та маданият уйи ва муассасаси, Кино уйи, 22 та жамоат кутубхонаси, 4 та кинотеатр ва бошқа, "Пахтакор" стадиони, "ЖАР" спорт мажмуи, „Шарқ“, „Хадра“, „Ёшлар уйи“, „Сун Шине Тйрон“ меҳмонхоналари ишлаб турибди. Туман ҳудудида меъморий ёдгорликларидан Кўкалдош мадрасаси (ХВИ аср), Юнусхон (ХВ аср), Шайх Зайниддин бобо (ХИИИ-ХИВ асрлар) мақбаралари сақланган.
Лойиҳалари
- Машҳур бинолари
| № | Номи | Қурилиш бошланиши | Қурилишнинг тугаши | Бинолар | Ҳудуд (м²) | Изоҳлар |
|---|---|---|---|---|---|---|
| 1 | Гарденс қароргоҳи | 2018 | 2020 | 9 | 89 518 | |
| 2 | Cентрал Плаза | 2018 | 2021 | 6 | 45 886 | Ўзбекистондаги Парк Инн бй Радиссон брендига тегишли биринчи меҳмонхона. |
| 3 | Ҳйпер Партнерс Cентер | 2019 | 2021 | 4 | 76 744 | Ўзбекистондаги энг йирик савдо маркази. |
| 4 | Нест Оне | 2019 | 2021 | 2 | 14 779 | Ўзбекистондаги энг баланд турар-жой биноси |
| 5 | Cонгресс Ҳалл, Ҳилтон Ҳотел | 2018 | 2019 | 2 | 88 138 | „Ҳилтон“ бренди остидаги Ўзбекистондаги илк меҳмонхона. |
| 6 | Молия маркази | 2019 | 2021 | 5 | 44 235 | Ўзбекистондаги энг йирик молия маркази |
| 7 | Боулевард Ресиденcе | 2018 | 2020 | 9 | 116 761 | |
| 8 | Ташкент Cитй Парк | 2019 | 2019 | — | 186 804 | Ўзбекистондаги энг катта истироҳат боғи ҳудуди. Ўзбекистондаги энг катта фаввора. |
| 9 | У-Тоwер | 2019 | 2023 | - | 187,160 | Офислар, квартиралар, жамоат жойлари, ресторанлар ва ҳашаматли савдо галереяси.. |
Яна қаранг
Манбалар
- ↑ 1,0 1,1 „Аҳоли сони энг кўп бўлган туманлар – ТОП-10“ (уз). стат.уз (2023-йил 31-январ). Қаралди: 26.09.24.
- ↑
Шайхонтоҳур туман ҳокимлиги матбуот хизмати(ўзб.) Телеграм месенжерида
- ↑ Тошкент шаҳар ҳокимлиги матбуот хизмати(ўзб.) Телеграм месенжерида
- ↑ „Марказий банк раиси ўринбосари Шайхонтоҳур тумани ҳокими бўлди“.
- ↑ „Абубакиров Бобир Юлдашович“ (ру). cбу.уз (2023-йил 31-август). Қаралди: 25.09.24.
- ↑ 6,0 6,1 Власти Узбекистана объяснили, почему переименовани два раёна Ташкента
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |