Materik sayozligi

Материк саёзлиги, шелф - денгиз ва океанлар қирғоғини ўраб турадиган сув ости саёз текислиги. Эни бир неча километрдан 1200–1500 км, баъзи ҳолларда 2000 км гача, майдони Дунё океани туби умумий майдонининг 8%ни ташкил этади. 130–140 м чуқурликдан материк ён бағри бошланади. Материк саёзлиги денгиз чўкиндилари (шағал, қум, қумоқ, қум аралаш балчиқ) кўп тўпланадиган жой, қуёш нурининг кўпроқ тушиши ва илиқ бўлганидан организмлар, жумладан, балиқ кўп. Материк саёзлигида кўплаб нефт, газ конлари (Шимолий денгиз, Мексика ва Форс қўлтиқлари) жойлашган ҳамда дунёнинг муҳим балиқ овлаш раёнларидир (Шимолий денгиз, Баренс денгизи ва бошқалар).