Shirin (shahar)

Ширин
Ширин
	шаҳар
	40°13′37″Н 69°08′04″Э / 40.22694°Н 69.13444°Э
Мамлакат	Ўзбекистон
вилоят	Сирдарё вилояти
Қачондан бери шаҳар	1972-йил
Аҳолиси	18 900
Вақт минтақаси	УТC+5
Телефон коди	+998
	Ширин Ширин

Бу атаманинг бошқа маънолари ҳам мавжуд. Қаранг: Ширин (маънолари).

Ширин — Ўзбекистон Республикаси Сирдарё вилоятидаги шаҳар (1972-йилдан). Вилоятга бўйсунади. Яқин темир йўл стансияси — Фарҳод (6 км). Вилоят маркази (Гулистон шаҳри)дан 52 км. Денгиз сатҳидан ўртача 328 м баландликда жойлашган. Аҳолиси 15,3 минг кишидан иборат (2003), асосан, ўзбеклар, шунингдек, тожик, татар, корейс, рус, озарбайжон, туркман ва бошқалар ҳа.м яшайди. Шаҳар номи келиб чиқиши тўғрисида турли ривоят ва тахминлар мавжуд. Шулардан ҳақиқатга яқинроғи, шаҳарнинг ғарбий қисмидаги тоғнинг Фарҳод қояси тагидан оқиб ўтадиган Ширинқиз сойи номидан олинганлигидир. Ширин Фарҳод ГЕС қурилиши муносабати билан ишчилар посёлкаси сифатида 1943-йилда вужудга келди. Шаҳарда Фарҳод ГЕС, Сирдарё иссиқлик электр стяси, савдо ва маиший хизмат кўрсатиш шохобчалари машинасозлик заводи, суткасига 7 та нон ва нон маҳсулотлари ишлаб чиқарадиган корхона, спирт заводи ва бошқалар, шунингдек, 60 тадан зиёд турли шаклдаги хусусий ва кичик корхоналар бор. Сирдарё қурилиш бошқармаси ҳам шаҳрида жойлашган. Шаҳарда 4 умумий таълим мактаби, 1 та мусиқа мактаби, 2 та касбҳунар коллежи, театр, „Ширин“ шаҳар бозори, 5 та кутубхона, 2 та музей, касалхона (140 ўрин), болалар касалхонаси, врачлик соғломлаштириш пункти, 2 қишлоқ врачлик амбулаторияси, 2 та фелдшеракушерлик пункти, дорихона, „Хавотог“ санаторийси, маданият ва истироҳат боғи, Хотира боғи мавжуд. „Ширин садоси“ газета чоп қилинади. Шаҳар телестудияси фаолият кўрсатади.^[1]