Shirin Meliyeva
 | Bu maqolaga boshqa birorta sahifadan
ishorat yoʻq. (avgust 2024) |
Shirin (Sora) Yuldoshevna Meliyeva (1921.25.2 – Kattaqoʻrgʻon – 2001.16.4) – aktrisa, rejissor O‘zbekiston SSR xalq artisti (1964). 1937-yildan Kattaqoʻrgʻon teatrida aktrisa, rejissor (1948—1978-yillar direktor). Sahnada Xonzoda, Hojiona („Boy ila xizmatchi“), Xolisxon („Xolisxon“), Maysara („Maysaraning ishi“), Kime („Nurxon“), Martena („Zoʻraki tabib“), Agafya Tixonovna („Uylanish“), Farmonbibi („Kelinlar qoʻzgʻoloni“), Ona („Qonli toʻy“) kabi yuzdan ortiq obrazlar yaratgan. Qahramonlarning ichki ruhiy holatlarini yorqin va ishonarli talqin etish, turli qarashlar oʻrtasidagi ziddiyatlarni kuchli eʼtirozlar orqali namoyish etish Meliyeva ijodiga xosdir. Rejissor sifatida „Adolat“ (I. Akromov), „Xolisxon“ (Hamza), „Surmaxon“ (B. Rahmonov), „Bahs“ (M. Bayjiyev), „Ona“ (S. Zunnunova), „Ogʻriq tishlar“ (A. Qahhor) kabi spektakllarni sahnalashtirgan. „El-yurt hurmati“ ordeni bilan taqdirlangan (1999)[1].
| Shirin Meliyeva | |
|---|---|
| Tavalludi |
25-fevral 1921-yil |
| Vafoti |
16-aprel 2001-yil (80 yoshda) Samarqand |
| Kasbi | aktrisa, rejissor |
| Mukofotlari |
  |
Manbalar
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Aktyor yoki aktrisa haqidagi uşbu maqola çaladir. Siz uni boyitib, ZiyoSferaga yordam berişingiz mumkin. |