Shukrullaboy Miskinov sahifasining manbasini koʻrish

'''Shukrullaboy Miskinov''' – [[Xiva xonligi]]ning [[elchi]]laridan biri. 1847-yilda [[Rossiya imperiyasi]]ga elchilik missiyasi bilan joʻnatilgan. Keyinchalik Xiva xonligi nomidan [[Usmoniylar davlati]]ning poytaxti [[Istanbul]] shahriga elchi sifatida tashrif buyurgan.
== Elchilik faoliyati ==
1846-yil dekabr oyida [[Orenburg]] shahriga Xorazm xoni [[Muhammad Aminxon]]ning elchilari – Qilich Niyozmuhammedov va Shukrullaboy Miskinov yetib boradi. 1847-yil 9-mart kuni ular [[Sankt-Peterburg]]ga yetib borishgan. Elchilar Rossiya imperiyasi tomonidan Sirdaryoning quyilish joyi yaqinida qurilgan Raim istehkomini buzish masalasini koʻtaradilar. Biroq, [[Nikolay I]] bu talabga rad javobini bergan. Shundan soʻng 1847—1848-yillarda Xiva otryadlari va podsho harbiy qismlari oʻrtasida kichik harbiy toʻqnashuvlar boʻlib oʻtadi. Muvaffaqiyatga erisha olmagan Muhammad Aminxon bu masalani yana tinch yoʻl bilan hal qilishga harakat qila boshlaydi<ref>Гуломов Х. Г., Дипломатические отношения государств Средней Азии с Россией в XVIII — первой половине XIX века. Ташкент, 2005</ref>. Buning uchun 1852-yilda 11 kishidan iborat elchilar hayʼati Shukrullaboy Miskinov boshchiligida Rossiya imperiyasiga joʻnatiladi<ref>{{Veb manbasi |url=https://e-library.namdu.uz/63%20Тарих%20фанлари/Тарих/63.%20Asarlar%20to'plami%20V.pdf |sarlavha=Hamid Ziyoyev. Asarlar toʻplami. |arxivurl=https://e-library.namdu.uz |arxivsana=04.10.2023 |qaralgan sana=04.10.2023}}</ref>. Bu oʻrinda shuni taʼkidlash kerakki, aholi oʻz davlatini doimo Xorazm deb bilgan. Rus tarixchilari esa XVII asrdan soʻng poytaxt Xiva shahriga koʻchirilgani munosabati bilan uni Xiva xonligi deb atay boshlaganlar<ref>Брегель Ю. Э. Хорезмские туркмены в XIX веке / Акад. наук СССР. Ин-т народов Азии. — М.: Издательство восточной литературы, 1961. — 442-b.</ref>. Rossiyaga amalga oshirilgan elchilik missiyalaridan soʻng Shukrullaboy Miskinov 1854—1855-yillar oraligʻida Usmoniylar davlatiga elchi sifatida yuborilgan. Bu borada [[Ogahiy]] oʻzining „Gulshani davlat“ asarida quyidagicha maʼlumot berib oʻtgan:
{{Quote|„Baytulloh ziyorati va Rum saforati uchun noma … va yoʻl xarojati uchun … koʻp naqdu mol“ olib yoʻlga chiqqan Shukrullo ogʻa „…uzoq dasht va biyobonlarni qatʼ etib“, Eronga borgan va u yerda bir necha kun turgach, Usmoniylar davlatining janubidagi Arzirum (Arzinat ur-Rum) shahriga borib tushgan<ref> Огаҳий Муҳаммад Ризо Эрниёзбек ўғли. Гулшани давлат (Хива хонлиги 1856 – 1864
йилларда) / Масъул муҳаррир Ш. Воҳидов. – Тошкент, 2012. – Б.207</ref>.}}
== Manbalar ==
{{manbalar}}
== Adabiyotlar ==
•	Gulomov X. G., ''Diplomaticheskiye otnosheniya gosudarstv Sredney Azii s Rossiyey v XVIII — pervoy polovine XIX veka''. Tashkent, 2005.
[[Turkum:Xiva xonligining elchilari]]
[[Turkum:Xiva xonligi kishilari]]
[[Turkum:Rossiya imperiyasiga tashrif buyurgan elchilar]]