Silk Road Gallery
35.70818°0′0″N 51.39566°0′0″E / 35.70818°N 51.39566°E{{#coordinates:}}: invalid latitude
| Silk Road Gallery گالری راه ابریشم | |
|---|---|
| Asos solingan sana | 2001-yil dekabr |
| Joylashuvi | Tehron |
| Sayt | silkroadartgallery.com |
„Silk Road“ galereyasi — xususiy san’at galereyasi[1]. 2001-yil dekabrida Eronning Tehron shahrida Anahita Ghabaian Etehadieh tashabbusi bilan ochilgan[2]. Erondagi zamonaviy fotografiyaga bagʻishlangan birinchi galereya[3]. Bir necha bor „Paris Photo“, „Arco“, „Art Dubai“ va „Art Abu Dhabi“ kabi xalqaro sanʼat yarmarkalarida yosh eronlik fotograflarning ishlarini namoyish etgan. Galereyada, shuningdek, mashhur va endigina ijod boshlagan fotograflarning vaqtinchalik ko‘rgazmalari tashkil etib boriladi.
Tarixi
„Silk Road Gallery“ (soʻzma-soʻz: ipak yoʻli) xususiy sanʼat galereyasi 2001-yil dekabr oyida Eron poytaxti Tehron shahrida ochilgan boʻlib, mamlakatda faqat zamonaviy foto sanʼatiga bagʻishlangan birinchi galereyaga aylandi. Bunday institutni tashkil etish tashabbuskori galereyachi Anahita Ghabaian Etehadieh boʻlib (1962-yilda tugʻilgan), uni eronlik fotograf Minou Saberi (1938—2010) qoʻllab-quvvatlagan. Tashkilotning maqsadi — zamonaviy fotografiya sohasida „yangi gʻoyalar va usullarni muhokama qilish va shakllantirish“ uchun maydon yaratish. Galereya mashhur eronlik fotograflarning ham, endigina ijod boshlayotgan mualliflarning ham asarlarini namoyish etadi. Jumladan, Shadi Ghadirian (1974-yilda tugʻilgan) va Bahman Jalali (1944—2010) koʻrgazmalari ham tashkil qilingan.
Silk Road galereyasi bir necha bor eronlik yosh fotosuratchilarni xalqaro miqyosda namoyish etib, „Paris Photo“ (2018, 2014, 2010, 2009, 2004, 2001), „Arco“ (2009, 2007), „Art Abu Dhabi“ (2010, 2008, 2007) va „Photoquai“ (2009, 2007) kabi sanʼat yarmarkalari va koʻrgazmalarida ishtirok etgan. Galereya tashkil etilganining oʻn yilligi munosabati bilan fransuz tilida zamonaviy Eron fotografiyasiga bagʻishlangan „La photographie iranienne“ nomli kitob nashr etilgan. Bundan tashqari, Anahita Etehadieh 2009-yilda „Photoquai“ badiiy rahbari lavozimini egallagan, 2015-yilda esa Lionda oʻtkazilgan Shadi Ghadirian asarlarining retrospektiv koʻrgazmasiga boshchilik qilgan.
2015-yil may oyida galereyada Tahmineh Monzavining „All about me nicknamed Crown Giver“ nomli shaxsiy koʻrgazmasi, 2016-yil aprel oyining ikkinchi yarmida zamonaviy eronlik ijodkor Mohsen Zarening „Mohsen Zare — Documents of War“ nomli shaxsiy ekspozitsiyasi boʻlib oʻtgan.
Galereya faqat fotografiya koʻrgazmalari bilan cheklanib qolmay, multimediaga oid tadbirlar ham oʻtkazadi. Media sanʼati asarlariga bagʻishlangan koʻrgazmalar koʻpincha Eron sanʼati va adabiy anʼanalari bilan bogʻlangan boʻladi.
Manbalar
- ↑ „Silk Road Gallery“. Lonely Planet. Qaraldi: 2014-yil 7-iyun.
- ↑ „Anahita Ghabaian Etehadieh“. Rencontres d'Arles. Qaraldi: 2025-yil 30-noyabr.
- ↑ „Scatti incrociati sulle strade di Tehran“ (it). ilmanifesto.it. Il Manifesto (2017-yil 28-iyul). Qaraldi: 2025-yil 30-noyabr.
Adabiyotlar
- La photographie iranienne un regard sur la création contemporaine en Iran. Parij: Loco, 2011. ISBN 9782919507061.
- Rose Issa. Iranian Photography Now. Distributed Art Pub Incorporated, 2008 — 227—230-bet. ISBN 9783775722575.
- Connaissance des arts. Sociéte d'études et de publcations économiques, 2009 — 16-bet.
- Amor Marsé Taltavull. El discurso del arte iraní desde la perspectiva de los exilios (1979-2012). Síntesis entre tradición y contemporaneidad (es). — 2012. — Dekabr.